بخصوص التقارير الوزارية بـ حق الطلاب .. أنا بـ أكدلك أنو بـ أخر مادة .. بـ الكيميا .. صدر من مركزنا فقط 33 تقرير
علماً أنو مدير المركز نبه عـ المراقب ( و بقاعتي هل حكي ) أنو أذا المندوب سحب ورقة طالب .. أو قيمو بـ يفتشو : كسرلو أيدو
__
مشاهد أستثنائية : دخل أحد طلاب الأدبي على قاعة الأمتحان يوم أمتحان القومية .. و بعد مضي 10 دقائق .. لاحظ الطالب أن لا مجال للغش .. قام صاحبنا طالع سكين من جيبتو .. و قال للمراقبين .. ألي بدو يقرب رح يندم .. ما تدخل حدا .. و لا حتى مندوب التربية .. الزلمة خلص نقل من المصغرات يلي معو .. و ضب السكين بجيبتو .. و طلع لـ برا .. مع العلم أنو في شرطة قدام الباب .. بس ماحدا حكاه شي ..
الأمتحانات بـ محافظة الحسكة .. كوميديا تراجيدية لا شك
_________
مشهد تنين : أحد المراقبين .. و في أمتحان القومية .. طلع من القاعة .. و وراح جاب كتاب من برا المركز ( من قدام الباب )
و دخلو عـ القاعة .. و صار يوزع الوراق عـ الطلاب .. و بـ الدور
__________
مشهد نمرة 3 : أحدى الطالبات أنهارت في الأمتحان .. قام ( البطل ) مدير المركز طالعها .. و قعدها عندو .. و شربها شاي .. و قعد تقريباً نص ساعة عندو عم تتبكبك .. و بعد ما خلص الوقت .. ترك الطالبة ربع ساعة بعد الوقت الأصلي للأمتحان تكتب بما أنو راح عليها وقت كتير ..
أن خدعونا مرة .. تباً لهم , أن خدعونا مرتين .. تباً لنا
Amarta <3
ܒܪܠܝܒ
|