[محمد ابراهيم]

كاتب النص الأصلي : yass

أبو حميد تغديت و لا لسى؟


هلأ طلاع من هالبواب يا زلمة حكامنا و حكامكون خريجين نفس المدرسة.. أي كمان عنا ع أساس فينو يحكي شو ما بدو و حصانة و أكل هوا... أي لما واحد منهون اعترض ع صفقة الخليوي لعنو سماه... ما طولو شهر و نص اختلقولو قضية فساد و رفعو الحصانة عنو...

أكيد بمصر عندكون هامش أعلى من الحرية النيابية (أعلى بشوي مو كتير يعني لا تشوف حالك علينا ) لكن بتصوّر في قضايا النائب بيعرف انو احسنلو يقعد عاقل ازا ما بدو الكرسي يطير من تحتو.. ما هيك؟

لاء ياعمي انا بعرف عن شو بحكي (نواب المعارضة بيحكو وبيصوتو متل مابدون ) اما نواب الحزب الحاكم (فطبعا مع الحزب الحاكم سواء مقتنعين او لاء )
ورفع الحصانة ما بيمنع النائب المعارض من الحكي او التصويت ضد مشروعات الحكومة داخل المجلس (بس لاحظ انو نواب الحزب الحاكم اكتر من تلتين المجلس ، يعني بيقدرو يمرروا اي مشروع قانون حتى في حالة صوتتت المعارضة كلا ضد )

كاتب النص الأصلي : matya

يا عمي بحيات الله والملايكة والرسل والانبيا و مين كمان.. افهمني عن شو عم بحكي

انا ما عم ساوي اصلاً .. ما عم قارن.. نقطة حكيي هيي عن الاعتراض على قانون زواج القاصر

بتعرف شو. بدي اجي معك وقول عم ساوي..
مع ذلك بطلع انا ما عم ساوي بين زواج بنت 10 لـ زواج بنت 16..كـ سن
انا عم ساوي بين موقف زواج من قاصر لموقف زواج من قاصر..
عم ساوي بين حالتين زواج من انسانة ما عندها الوعي الكافي للانتقال لمرحلة الزواج

بنت الـ 10 قاصر.. وبنت الـ 16 قاصر,, حتى لو بنت الـ 16 افهم من بنت الـ 10
بس ما بيعني انو بنت الـ 16 مش قاصر

في فرق بين مساواة موقف كـ موقف كـ حالة بشكل عام
وبين مساواة تفاصيل هالموقف من سن لـ جنسية الخ..

بغض النظر عن مين اعترض على القانون.. حكيت انو في ناس بتعترض عليه
هيدا كل حكيي.. في ناس بتعترض على هالقانون..
بيجي حدا بيقلي وين قريتي يا ست انو في ناس بتعترض .. قمت جبت الاقتباس

وانا ضد حتى انو بنت الـ 16 تتزوج.. ليش خيي شو هيي بنت الـ 16..مين هيي بنت الـ 16
انا كـ انا.. تفكيري هلأ مختلف تمامًا عن تفكيري وقت كنت بنت 16..مختلف تمامًا

من الناحية يللي بدك ياها مختلف .. انا بنت 18 غير بنت 16..
بقى ليش الاعتراض على رفع سن الزواج لـ 18؟

على كل حال.. هيك بنكون فتنا بموضوع ياس.. وما بدي محور الموضوع

في هذا الموضوع ينتهي ردي عليكي
بخصوص صلب الموضوع الرجل الذي تزوج طفلة لديها 10 سنوات نحن متفقين انه امر مرفوض .
بخصوص اقتباسك الاول اذا كان لديكي شيئ بخصوصه فلنناقشع بموضوعه الاصلي