ولله معك حق
بس ما بتنكر انو بالبداية منصدق هالخرط يلي بيخرطو عليك وعلينا
.. بس بعد ما نعرف الحقيقة منتزكر انها خزعبلات
هادا الخرط تبع المسخ والفسخ ويلي ربى كلب قام لبسو جني بتضلها اهون من قصص تانية بسمعونا اياها
ال يلي بصيح بالليل بيطلعلو الجني ويلي بغني ولا بينطق حرف بالحمام بيطلعلو الجني ( خصوصي بالليل ويوم الجمعة ) ووحدة حبست ابنها بالحمام عشان بضل يعيط قام اخدوه الجن وضل صوتو بلا صورة ..
العالم بكيفو عالخرط ليل نهار بخرطو والتعتير على هالشعب يلي بصدق
والمشكلة انهن بيعملو للشغلة ايدين ورجلين
وحدة شافت جارتها حابسة ابنها بالحمام بتروح تحكي للجارة التانية طلعلو الجني وهديك بتحكي اخدوه ويلي بعدها بتقلك سكنو فيه وبأمو ووحدة بتحكي سكنو بكل البيت ..
وك يا زلمي حرمونا نفوت عالحمام ..
انا لحد إسا لمى افوت عالحمام بالليل بضل اتخيل انو الجني راح يطلعلي من مصرف المجاري ... شو حال الولاد الصغار ؟؟
وكل اشي بحطوه بضهر الجني طلع الجني وسكنو الجني والجني والجني .. كأنو الجني فاضيلنا
فش حدا مهتم ولا منتكش فينا مش لاقيين غير الجني نشغلو بحالنا
كمان شوي بطلعو الجني من اواعيي ..
علينا وعلى هالشغلة يا ..