هو يعنى السادات لسه مستقبل شاه ايران السنه اللى فاتت مثلا
ما هو مستضيفه من زمان يعنى و الاتنين راحوا لحالهم الله يرحمهم و بعدين انا لما قريت قبل كده مقاله عن الشاه
كان مكتوب كده
اقتباس:
أما الشاة فقد إتخذ الشاه بنما مستقراً له وساءت حالته الصحية حيث أنه كان مرضاً بالسرطان وذهب للعلاج في أمريكا، فلما استقرت حالته الصحية طالبته أمريكا بالمغادرة إلي أن قبله السادات في مصر واستضافه حتي توفىمن عام 27 يوليو 1980 م.
|
لقيت ان الراجل كان تعبان يعنى و عنده سرطان و حالته وحشه اوى و كل البلاد رافضاه و السادات اكيد ساعتها استضافه من باب الانسانيه و ارحموا عزيز قوم ذل (الله اعلم يعنى انا بتكلم وانا ماليش فى التاريخ الحديث ده ولا اعرف ايه اللى حصل)
بس حاجة غريب يعنى يا جماعه ... اشمعنى اختاروا الوقت ده بالذات عشان يعملوا الفيلم .... عايزين يسوءوا علاقات مصر بايران فنروح احنا متخلين عنها احنا كمان و تبقى النتيجه ان مفيش حد يقف فى صفها ولا يقف ضد القرارات العسكريه اللى عايزين ياخدوها ضدها
انا من رأيى المتواضع اللى فى غالب الامر بيطلع غلط
ان الموقف ده مخطط له من خارج ايران و الموضوع اكبر من فيلم الموضوع لقطع علاقه دولتين مع بعض
لما الحكايه توصل كمان لالغاء ماتش عشان فيلم بيشير ان الموضوع شكله هيتنيل اكتر من كده
من امتى كانت دخلت السياسه فى الرياضه
و ايه حكايه فيلم معادى ده
من امتى احنا اخلاقنا كده .... الموضوع بسهوله ممكن يتحل من جانب ايران بانها كانت تقدم اعتذار و تلغى الفيلم و خلاص
انا افتكرتهم اصلا اعتذروا لان الكلام فى مصر هدى عن الموضوع ده ولا انا اللى بطلت اقرأ جرايد
