او ل شي الحمد الله ع سلامتك ...و سلملي ع سان خوسيه ....بعزو كتير لهالزلمي انا
اقتباس:
شو صار عنا هلأ
آمال براس الهرم
عماد وسامي الطبقة التانية
ونور وبسام صارو الطبقة التالتة
نور وبسام بيبيع البضاعة بيستفيد عماد وسامي بس مين بيستفيد اكتر آمال
شو بيكون صار عنا هلأ ؟
بنية هرمية بس بدال مانها عم تنزل بالعمق عم تتوسع وكلو على حساب مين على حساب قاعدة الهرم اللي عم تحقق ربح لراس الهرم
هل فينا نقول انو الليكرستور خدعة او نصبة ؟ كل الشعب السوري بيشتغل بالليكر ستور
هل منقدر نقول انو الليكرستور رح يتوقف بيوم من الايام ويدمر حالو بحالو ؟ مستحيل
|
لاء ...هي ما بنية هرمية ..وين الهرمية بالموضوع !!!
عماد وسامي مانن بالطبقة التانية ...اساساً مافي طبقات هون !! عماد و سامي مشاركين آمال ...شركة هدول ..هلأ مين عندو اسهم اكتر من التاني هاد حديث ....تاني
نور و بسام موظفين بشركة .... و هني بالهيكل الاداري تبع الشركة بيجو تحت مديرهن ..ايا يكن هالمدير يعني ...ممكن يكون موظف متلن و ممكن يكون صاحب الشركة نفسو ....و هون ممكن يكون في هرمية بالهيكل الاداري ...و هي شي كتير طبيعي و عادي ...باي ادارة او سلطة في هيكل هرمي...و هاد طبيعي و عادي ...اللي مانو طبيعي هو الهرمية بالتسويق .
اقتباس:
3-) البنية الهرمية اللي بتعتمد على بيع المنتجات
يعني بجي بقلك يمان اشتري مجموعة هالعطورات ب 500 دولار بس ما تفكر حالك خسران اذا بتقدر تجيب خمسة كمان يشترو هالمجموعة رح نعطيك مصاري
فانت بتجيب 5 بيشترو نفس المجموعة ب 500 دولار يعني بمجموع 25 الف دولار انتي بيطلعلك منهن 800 دولار وبتكون مبسوط منها لانو ما قدرت تعمل هالشي هادا بيوم واحد بحياتك
نفس القصة بتصير مع الخمسة اللي تحتك بتقول لكل واحد منهن لاقو خمسة يشترو وبتاخدو مصاري
وهيك لتوصل لنتيجة انو العالم معد بدها عطورات او العالم اللي بالقاعدة معد تقدر تبيع ووقتها بيصير انو القاعدة بتبطل اللي فوقهن بيبطلو واللي فوقهن بيبطلو وهيك انتي بتكون بقيت لحالك
وبكون النظام الهرمي دمر حالو بحالو
|
تماماً ...هاد هو اللي عم نحكي عنو !!!
اقتباس:
بالنسبة ل WFG
وحسب اخر الاحصائيات اللي موجودة وعم احكي عن الحكي اللي صار اليوم والارقام اللي شفناها
نحنا حاليا بمنطقة اسمها سان خوسيه عدد السكان هون 1.2 مليون بني ادم
احصائيات WFG بتقول انوعدد ال CLIENTS يعني عالم استفادت من خدماتنا اللي بالشركة هوي بين مليون و 2 مليون يعني عدد سكان سان خوسيه فقط لا غير + - عالم
تخيل اسا قدامنا اميركا كلياتها لنساعدها وتخيل قديش بدنا عالم لحتى نقوم بهالمهمة لانو بعدد العالم الموجودين هلأ ما رح نقدر نساوي شي
بعدين الشركة توسعت على دول تانية متل كندا الصين تايوان الهند المكسيك يعني عالم اكتر واكتر لحتى نساعدهن (حكيان هالحكي من قبل )
|
متل ما قلت ....هي احصائياتن هني ...و انا ماني شايف انو في عندي سبب واحد لصدقن !!
اقتباس:
تاني شي في فرق كبير بين نحنا شو منقدم للعالم وبين شو باقي الشركات بتبيع للعالم
نحنا منحاول نساعدهن ما منبيعهن شي ما منحاسبهن شي ما مناخد منهن شي
منحاول نشرحلهن شوية امور بمجال الاموال اللي ما تعلمو بالمدرسة
منحاول نشرحلهن شوية عن امور الانشورانس وكيف انو حماية الك ولعيلتك
هادا كل شي منساوي ما منحاول نبيعهن عطورة او جرابات او بناطلين
|
هاد الفرق الكبير هو اللي بخليني كتير متأكد من الجماعة
انو يعني WFG منظمة خيرية ؟؟....هيئة غير ربحية ؟؟ ..من الامم المتحدة يعني شي ؟؟
انو بتقدمو خدمات ببلاش ؟؟ .....حكيلنا يا مان ..منيني الشركة بتجيب رواتبكن ؟؟
كيف ما بتفلس مثلا يعني !!
انو معقول مانك شايف شي غريب بالموضوع !!!!
اقتباس:
هل ممكن يتوقف شغلنا؟ مستحيل
هل ممكن تكون شركتنا خدعة ؟ مستحيل
هل انا مآمن بهالشركة ؟ جدا
هل متوقع اي حدا منكن يآمن ؟ لاء
ليش؟ لانو انا شايف على ارض الواقع اشياء انتو ما شفتوها
|
طيب متل شو ؟؟
يعني شو هي الشغلات اللي شفتا ع الارض ....ما ممكن توصفا يعني ؟؟
اقتباس:
كلمة اخيرة : كل صاحب شغل او شركة بيآمن بالنظام الهرمي لانو شركتو رح تقوم على هالاساس
اللي ما بيآمن بالنظام الهرمي هوي كل واحد بمنطقة ما من اسفل هالهرم وبيخاف يطلع لفوق لانو بيفكر انو ما بيقدر يوصل لفوق 
|
عاد هون حسب نوع الهرم ...عن اي هرم عم تحكي !!
اذا هرم السلطة ...ما حدا عندو اعتراض على الهرمية بتصور
اذا هرم الكنيسة الكاثوليكية ...انا شخصيا ماني حابب صير بابا روما ...بكفيني اني كاردينال
اذا هرم خوفو و خفرع ..بدو الواحد يكون متسلق و قلبو قوي
اذا كان الهرم اللي بالي بالك ...ما بدي ياه ..و لا بدك ياه حتى ...
النظام الهرمي اللي عم نحكي عنو هو بشكل واضح اللي حكيت عنو بمثالك التاني ....و هو التشويق متعدد المستويات ...و هو عبارة عن اسلوب نصب عالمي و عابر للمحيطاتت
بالنسبة ل WFG لحد هلأ ما حكيتلنا شو بتعملو فيها بالضبط....يعني ما فهمنا منين بتجيبو مصاري و كيف بيستفيد الزبون و كيف بيستفيد العميل !!
يا ريت تحكيلنا بالتفصيل هالقصص ..و بعدين منشوف اذا كانت MLM او لاء
تحياتي
J.S: Death is the solution to all problems. No man = No problem.