[yass]

المعرض الأول: Finisterre

فينستيرري هو رأس عالمحيط الأطلنطي قريب من سانتياغو دي كومبوستيلا.. مدينتي.. هالرأس كانو الرومان يعتبروه أقصى غرب أوربا أو العالم القديم بأيامهم و بالتالي كان هالرأس هو نهاية الأرض (كون ما كانو يعرفو انو الأرض كروية و لا مكتشفين أميركا)

الأسم جاي من الروماني Finisterrae .. أي نهاية الأرض (في مكان مشابه و بنفس الاسم تقريبا شمال فرنسا)

لهالسبب كان هالموقع كتير مهم للرومان, و بعد وصول المسيحية إلى أوربا تحوّل هالرأس الى نهاية طريق الحج تبع سانتياغو (اللي قاري رواية باولو كويلهو "حاج كومبوستيلا" بيعرف هالطريق).. كاختصار: بسانتياغو في كنيسة كبيرة بيحجو الناس عليها مشي بعدة طرق و بعد ما يزورو الكاتيدرال بيجو مشي على نهاية العالم و يحرقو بشي شبيه بالفرن الكبير العبائة تبعيت الحاج كرمز انو بعد الحج الانسان روحانيا هو شخص جديد و عم يحرق سيئات حياتو السابقة (في مواضيع شرح مقتضب عن حج كومبوستيلا بقسم السفراء, و قريبا راح اعمل موضوع موسع و شامل لكل خواص هالمنطقة بما فيها طرق الحج)..

كذلك هالرأس صاير بمنطقة وعرة جدا و فيها تيارات بحرية رهيبة... فكتير سفن تحطمت على مر التاريخ على هالصخور.. و في كنيسة صغيرة و صليب حجري قديم جدا كانو نساء البحارة يروحو يصلو عندو مشان سلامة أزواجهم أو زوجات البحارة الغرقى يروحو يصلو مشان راحتهم الأبدية..


حطيت الشرح هون مشان ما اتفلسف كتير بين الصورة و الصورة...





























يتبع...