أعتقد انو ما حكيت شي يستدعي الضحك مشان تضحكي... يا ريت اذا ممكن تبادليني الجدية اللي عم احكي فيها.. لأنو يصعب علي احكي مع حدا مانو بنفس المود تبعي
هي جملة ضحكتني: كفين كفين عالماشي لا تقصري فيهون 
ليش نبرة صوتك عالية كتير؟ حدا ضربك سبك غلط عليكي؟ بدي أفهم يعني...
انا مو شايفة انو نبرة صوتي عالية... و انت اذا هيك شايف هاد رايك و بحترمووو...
طبعا توصيفاتك للأقسام الباقية تعبّر عن رأيك الشخصي البحت و هاد امر يخصك و ما يخص غيرك... و ما حدا عم يقلك تروحي تشاركي بهديك الأقسام, عم نحكي عن حالة ما عاجبتنا و مافي داعي تعملي كل هالخناقة الطويلة العريضة..
هلأ لاني قلت راي...هاد يعني الخناقة و الطويلة و العريضة كمان ...؟
قسم المسابقات ما انعمل لمواضيع العد و كفى... و اذا هاي الحالة هلأ فهاد غلط.. و وضّحت ليش غلط (بمنظوري.. و كون و لا فخر أنا اداري فعم عبّر عن وجهة نظر ادارة المنتدى).. الغلط الو أسباب و أصول و راح تنحل بأقرب فرصة.. لأنو في مجموعة كبيرة من الأسباب تم حلها و الباقي في طريق الحل
و الله هاد أمر يرجع لكل واحد ... وين يشارك أو وين ما يشارك... اللي ما رح يصير انو يصير المنتدى ع كيف حدا لأنو هيك مراقو... اخوية الها أدبيات و الها أولويات.. و هالأولويات ما تمر بمواضيع العد... مواضيع العد (كمثال عن مواضيع مبتذلة و منسوخة و مكررة ) ما تزعجنا طالما ما تطغى على باقي الأقسام (اللي ما يخفى على حدا انو -رغم انو ما عاجبتك شخصيا- هيي أولوياتنا و أساسياتنا بهالمنتدى) و في حال طغت رح نقدم مصلحة الأقسام التانية أكيد... هالأمر مفروغ منو
ما رح نغيّر أساسيات المنتدى مشان راحتك أو راحة غيرك
ليش انا قلتلك تغيرووو أساسيات المنتدى مشان راحتي ...؟
(مو أمر شخصي انما هاد الواقع) .. ولما صار نفس الحكي مع قسم حوار الأديان ما تلكئنا لحظة وحدة بالغاء حوار الأديان رغم انو كلّفنا زعلة مشرفين على هالاجراء (مشان ما حدا يحيك ع مسلة انو مشرف أهم من عضو أو هيك شي)
و عم نقول انو تفشّي المواضيع المبتذلة من طراز العد غلط... هالغلط ماننا بصدد أسبابو .. واحد من أسبابو انو ما كان في امكانية حدا يستلمو خلال فترة طويلة ... لذلك وصل الى ما وصل اليه..و هو خطأ في طريق الحل قريبا
و معليه طلب صغير... بأخوية اسمي yass و الدكتور هاي بلاها... ازا ممكن ( مو مشان شي بس عندي غيرة على خصوصية شخصيتي و على ابعاد حياتي العادية عن حياتي بأخوية.. و كوني دكتور مالو علاقة بأخوية من قريب أو بعيد)
اي تكرم...yaas...مو مشان شي بس لانو اخي اسمو متل اسمك و دكتور المستقبل كمان فمشان هيك اخد لساني ع الكلمة...سوري منك...
النحنا تمثل المنزعجين من هذا الوضع و أنا منهم....
و انتو... ما بعرف... اللي مزعوجين من انزعاجنا
انا لا مع نحنا و لا مع انتوو...
و شكرا