[yass]

كاتب النص الأصلي : ليلى

ههههههههههههههه لا يا yass ما وصلنا لهون لسه ..

بما انو ما حدا رد عليي عن رأيو بأنو مواضيع لازم نشارك .. انا رح قول

مواضيع النقاش : منوفت منتخانئ و بيجي مشرف بيقول لا تحكوا بالدين و الطائفية و مدري شو و بتنحذف الردود و بيتسكر الموضوع .

مواضيع السياسة : اذا حدا حكى كلمة يمين ولا يسار بينضب , و ما حدا مستغني عن حالو ..

مواضيع الفن : مثلاً متل " الفن العاري " هاد موضوع بيتشارك فيه ؟ و بيرفع مستوى المنتدى ؟
و اذا في شي كاريكتير او صور منعلق عليها و بيخلص الموضوع .

مواضيع الاغاني : اللي انا فتت مشانو ع المنتدى , المرفقات ما عاد اشتغلو و بطلنا نشارك فيه .

بالله شو ضل مواضيع بالمنتدى بيقدر الواحد يحكي فيها و هو اعصابو مرتاحة و مبسوط .. ؟؟

و متل ما قلت يا دكتور ياسين كل واحد بيلاقي سعادتو بالموضوع اللي بدو ياه و بعتقد انو هاد الموضوع ما إلو لزوم لإنو مافي منو فائدة , مافيك تحدد للناس وين يشاركو ..

و بعتقد كل واحد في بحياتو هموم بتكفيه , و بيفوت ليقضي ع الملل و يتسلى شوي بالمنتدى ...

و آخر شي عندي سؤال إلك يا دكتور ...


(( لكن كمان نحنا احرار نعتبر هالشي أمر غير صحي بالمنتدى... ))

عدم المؤاخذة يعني , بس مين انتو ,, و مين نحنـا .. ؟؟؟

ههههههههههههههه لا يا yass ما وصلنا لهون لسه ..

أعتقد انو ما حكيت شي يستدعي الضحك مشان تضحكي... يا ريت اذا ممكن تبادليني الجدية اللي عم احكي فيها.. لأنو يصعب علي احكي مع حدا مانو بنفس المود تبعي


ليش نبرة صوتك عالية كتير؟ حدا ضربك سبك غلط عليكي؟ بدي أفهم يعني...

طبعا توصيفاتك للأقسام الباقية تعبّر عن رأيك الشخصي البحت و هاد امر يخصك و ما يخص غيرك... و ما حدا عم يقلك تروحي تشاركي بهديك الأقسام, عم نحكي عن حالة ما عاجبتنا و مافي داعي تعملي كل هالخناقة الطويلة العريضة.. قسم المسابقات ما انعمل لمواضيع العد و كفى... و اذا هاي الحالة هلأ فهاد غلط.. و وضّحت ليش غلط (بمنظوري.. و كون و لا فخر أنا اداري فعم عبّر عن وجهة نظر ادارة المنتدى).. الغلط الو أسباب و أصول و راح تنحل بأقرب فرصة.. لأنو في مجموعة كبيرة من الأسباب تم حلها و الباقي في طريق الحل

بالله شو ضل مواضيع بالمنتدى بيقدر الواحد يحكي فيها و هو اعصابو مرتاحة و مبسوط .. ؟؟

و متل ما قلت يا دكتور ياسين كل واحد بيلاقي سعادتو بالموضوع اللي بدو ياه و بعتقد انو هاد الموضوع ما إلو لزوم لإنو مافي منو فائدة , مافيك تحدد للناس وين يشاركو ..

و الله هاد أمر يرجع لكل واحد ... وين يشارك أو وين ما يشارك... اللي ما رح يصير انو يصير المنتدى ع كيف حدا لأنو هيك مراقو... اخوية الها أدبيات و الها أولويات.. و هالأولويات ما تمر بمواضيع العد... مواضيع العد (كمثال عن مواضيع مبتذلة و منسوخة و مكررة ) ما تزعجنا طالما ما تطغى على باقي الأقسام (اللي ما يخفى على حدا انو -رغم انو ما عاجبتك شخصيا- هيي أولوياتنا و أساسياتنا بهالمنتدى) و في حال طغت رح نقدم مصلحة الأقسام التانية أكيد... هالأمر مفروغ منو

ما رح نغيّر أساسيات المنتدى مشان راحتك أو راحة غيرك (مو أمر شخصي انما هاد الواقع) .. ولما صار نفس الحكي مع قسم حوار الأديان ما تلكئنا لحظة وحدة بالغاء حوار الأديان رغم انو كلّفنا زعلة مشرفين على هالاجراء (مشان ما حدا يحيك ع مسلة انو مشرف أهم من عضو أو هيك شي)


و عم نقول انو تفشّي المواضيع المبتذلة من طراز العد غلط... هالغلط ماننا بصدد أسبابو .. واحد من أسبابو انو ما كان في امكانية حدا يستلمو خلال فترة طويلة ... لذلك وصل الى ما وصل اليه..و هو خطأ في طريق الحل قريبا


و معليه طلب صغير... بأخوية اسمي yass و الدكتور هاي بلاها... ازا ممكن ( مو مشان شي بس عندي غيرة على خصوصية شخصيتي و على ابعاد حياتي العادية عن حياتي بأخوية.. و كوني دكتور مالو علاقة بأخوية من قريب أو بعيد)

(( لكن كمان نحنا احرار نعتبر هالشي أمر غير صحي بالمنتدى... ))

عدم المؤاخذة يعني , بس مين انتو ,, و مين نحنـا .. ؟؟؟

النحنا تمثل المنزعجين من هذا الوضع و أنا منهم....


و انتو... ما بعرف... اللي مزعوجين من انزعاجنا



و شكرا