اقتباس:
|
انا ماني مع ايا انسان بيطلب تدخل خارجي لاسقاط النظام السوري مهما كانت المبررات .. لازم تكون الشغلة من الداخل فقط .. وايا طلب لتدخل امريكي او اوروبي او موزنبيقي بعتبروا نوع من الخيانة ...
|
كلنا منعتبرو نوع من أنواع الخيانه.. بس المشكل يلي عم يخونوا البشر عم يخونوهن حسب مصالحهن الشخصية.. و يلي لازم تفهميه إنو بسوريا اليوم تغير مفهوم الخيانة.. صارت الخيانة هي الوطنية بحكم انو النظام اليوم بيخون أي مواطن بيحكي عن الحرية و الفساد و تطوير البلد....
و
اقتباس:
|
ليد جنبلاط طلب بشكل واضح من الامريكان يحتلو سورية وكل الناس بتعرف وليد وتاريخو وتقلباتو السياسية وغير السياسية وتغييروا للحلفاء متل تغيير الجرابات . فكيف ممكن واحد الو فكر سياسي يشترك معو بايا موقف ولو رمزيا هي ماني قاردة استوعبها على الاطلاق .
|
هون في نقطه... سوريا و إسرائيل وقعوا على اتفاقية لمكافحة انفلونزا الطيور هل هالشي بيعني انو هاد التوقيع كان خيانة؟؟ هل هالشي بيعني انو سوريا موافقة على المدابح يلي عم تعملها إسرائيل بفلسطين؟؟ يعني الفكرة انو ممكن أي حدا يوقع بيان مع اي حدا بغض النظر عن اتفاقهن أو اختلافهن الفكري و المبدئي... ميشيل كيلو وقع البيان و وليد جنبلاط وقع البيان هدا الشي ما بيعني انو ميشيل كيلو موافق على أي أفكار خاصه بوليد جنبلاط.. هو وقع على ماورد في البيان فقط... وماورد بالبيان لا يحتوي على أي طلب تدخل خارجي من أي حدا ولا بأي شكل... و يلي بدو يحمل ميشيل كيلو مسؤولية تصريحات وليد جنبلاط فقط لتوقيعو على إعلان سياسي هو وياه و مئات المواطنين التانيين أولى يحمل الحكومة السورية هالمسؤولية نتيجة للصداقه التاريخية بين وليد جنبلاط و هالحكومة...
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!!
كيف سينتصر على غزاة القمر؟؟!!
|