اقتباس:
كاتب النص الأصلي : madona
مسا الخير
انا ام لشب مثلي
كيف بدي فوت بالموضوع ما بعرف بس اللي بعرفه اني حاولت كتير اني انزع هذه الافكار من راس ابني لكن ما استطعت
انت اذا كنت ماشي بشارع و لقيت ولد صغير بدخن بتوقف و بتحاول تشيل السيكارة من تمه لانك خايف عليه بتقول بنفسك حرام صغير
كيف لو كان هاد الانسان ابنك
كيف ممكن تتقبل ان يكون ابنك مثلي
ما رح نقرب للحلال و الحرام بس شو بتتوقع من انسان ملامحه ضايعة
ساعة شب و ساعة بنت 0 معقولة نرجع للعصر الحجري ان اي انسان يفعل ما يحلو له دون اي رادع اخلاقي او حتى انساني 0
حاولت اني قرب من المثليين لحتى اعرف ليش ابني هيك صار مع العلم ابني لهاد التاريخ بينفي و بشدة عنه هي الصفة
كل اللي اجتمعت فيهن بحاولوا ان يرموا السبب على الاهل مرة ابوه بيقتله وبيحرمه الحنان و مرة لان امه مطلقة ومحروم من صغره حنان الام و مرة لان تم اغتصابه و هو صغير و مرة لانه مهمل ما كان حدا يهتم فيه
طيب هاد كله سبب رئيسي لان نجعل من انفسنا مسخرة هذا المجتمع
بدك تقلي هرمون و مشاعر انا سالت اكتر من طبيب اذا كان هرمون التسترون قليل او مستواه بالجسم اقل مما يجب ممكن ياثر على شخصية الشب اجابوا الكل ان كانت صفات الذكورة الثانوية واضحة هذا دليل على ان مستوى الهرمون طبيعي و ان البلوغ طبيعي وان الحالة دخلت بموضوع نفسي
يا سيد الا تعتقد ان هذه الظاهرة ما هي الا جريمة منظمة
جريمة تتسع على ساحات البلد من شباب و اطفال بعمر ال14 سنة
انت ممكن تقول اني ام (( علاكة)) بس انا بدي اسالك اذا كان ابوك مثلي او اخوك شو اللي ممكن تساويه
|
مادونا: اول شي المثلية الجنسية مش افكار انت بتقدري تنزعيها بسهولة من راس ابنك متل ما عم تقولي... هاد ميول جنسي يلي ما فيكي تتحكمي فية... انا بتفهم قلقك وغضبك وخوفك على ابنك... بس بصراحة انا ماني شايفة اي شي بيخوف بالنص... ومجرد انو ابنك غير وميولو غير (غير الشي يلي قررو المجتمع) ما فيكي تيجي وتقولي عنو مسخرة... لانو المسخرة انك تتمسخري على هيك اشيا... هلأ بغض النظر عن حالة ابنك النفسية انت ذكرتي اربع اشيا كتير مهمة ازا ما كانت السبب بميولو الجنسية فرح تكون اكيد احدى العوامل.... ومشكلتك انك بتقولي انك بتقربي من المثليين مشان تعرفيهن ومانك قادرة تتفهميهن... معقولة انت ام وقاعدة بتستهتري بشو يعني ولد تم اغتصابو؟؟؟ شو يعني ولد بيعاني من عنف جسدي من ابوة؟؟؟ من عنف نفسي من امة؟؟؟ من عنف اجتماعي بيسحقو؟؟؟ اسفة اني اقلك انك لازمك كتير شغل عحالك... لتقدري تتفهمي وتتقبلي وتتعايشي مع كل فئات المجتمع ولو شو ما كانت ميولهم الجنسية... الحرية الجنسية هي حق طبيعي لكل انسان... وازا انت بتشعري بالمتعة مع الجنس الاخر فغيرك بيشعر بالمتعة مع جنسو... المفروض بما انو الشب ابنك... ومشان ما تخسرية ع الاخر... ما بدي قلك تقبلية بس بيسوا انك تتفهمية وتحترمية... وتحترمي ميولو واختيارو... وكمان شغلة... ما تتمسخري بهشكل لانو يلي عم تعملية انت جريمة بحق هاي الفئة وليس العكس متل ما حضرتك قلتي... وانا ماني شايفة ابدا انو المثلية الجنسية بتشكل خطر او تعتبر جريمة بحق حدا لانها اصلا ما بتأزي حدا...