منعطف تاريخي
علتان ( ممخمخا بالسيgارة اللي بايده ): لك شو عبتكتب
فلان (بدون اهتمام ) :ما عما اكتب شي .. عما ارسم مخطط
علتان :مخطط شو !؟
فلان :بدي اعرف لفين رح نصل
علتان :كيف !؟
فلان ( مفسرا ):عبحاول يعني ارسم المنعطفات اللي مرت فيها هذه الأمة
علتان ( بابتسامة محششة):منعطفات شو ؟!
فلان (بحماس ):المنعطفات التاريخية !!
علتان ( مع اعادة مخمخة بالسيgارة ):وشو طلع معك
فلان :دويخة !!
علتان :بشرفك هية مو هيك ..
فلان :افــــــّف ، ( شارحا ) بكون العالم ماشيين بأمان الله هيك بيجي لهم منعطف تاريخي من غايب علمهم بيشحطهم هيك !
علتان :يا لطيف !!
فلان :متل ما عما قول لك
علتان :يعني مو بنفس الاتجاه ؟!
فلان :لك لو كان بنفس الاتجاه ليش حتى يسموه منعطف يسموه شي تاني
علتان :يعني شو بدهم يسموه ؟!
فلان :يسموه المستقيم التاريخي مو المنعطف التاريخي
علتان :ها ايه معك حق ... لا مو واردة
فلان( بحماس ):لكن معقول يا رجل منكون ماشيين هيك بيجي منعطف تاريخي بيدفشنا هيك ، وبيجي منعطف تاني بيخبطنا هيك ومنعطف بيعمل لنا هيك ومنعطف بنزلنا هيك ومنعطف ومنعطف ومنعطف .. لك والله صارت حياتنا متل كبكوبة الصوف لكن معقول تكون هيك مسيرة الأمة ،
( بيمسك الورقة اللي كان عبيرسم عليها ) هيه شوف
علتان :هات لشوف
فلان :هيه
علتان ( مصفّرا ):اي هي متاهة هي ... شوف شوف شوف هاد المنعطف
فلان :تذكرته هاد ..
علتان :تذكرته هاد المنعطف يا لطيف .. ولا هاد !!
فلان :هاد رهيب
علتان :هاد المنعطف رهيب ، لولا حلم الله لزحطنا فيه
فلان : لا نحن زحطنا بالمنعطف اللي بعده لاحظ هون ...
علتان : الله أكبر
فلان : لكن هاد اللي هون
علتان : يا لطيف يا لطيف .. شوف شوف هادا بتذكره تمام .. كان بعام 1900 ويا لطيف !! ولا هاد !! هاد السهم لوين رايح هاد ؟!
فلان : هاد السهم يدل على منعطف تاريخي هلق .. قادم .. عبينطبخ جديد هلق هون هيك .. شوف لي هاد هاد تذكرته خطير هاد ها ها ها .. رهيب
الفيديو
ولسع بقولوا ما رح تزبط معك ليكها زبطت معي
.. انتوا عبتزبط معكم
؟!