[شغف القلوب]

أنا برأيي أنو فارق السن الو دور كبير بحياة الزوجين .. وبعتقد أنو الفارق بالعمر ما لازم يكون أكترمن عشر سنين لحتى يقدروا يتفاهموا ويتفقوا بكل أمور حياتهم ولحتى تكون مفاهيمهم قريبة من بعض إلى حد ما خاصة بالنسبة لتربية الأطفال .. وبنفس الوقت ما لازم يكون فارق السن أقل من الـ 5 سنين لحتى ما يصير في نوع من المنافسة والندية (متل ما ذكروا الأعضاء اللي قبلي) وكمان لحتى ما يكون سبب بمشكلة مستقبلية بين هالزوجين لأنو المرأة بحكم الولادة والمسؤولية راح تتعب أكتر وهالشي راح يأثر على شكلها الخارجي (حتى لو ضلت تعتني بحالها) فبرأيي فترة خمس سنين كافية لحتى يتداركوا هيك أمر ..

أما بالنسبة للزواج من غير جنسية فأنا ضد هالفكرة لأنو بيبقى في كتير عادات وتقاليد ممكن تربك هالزوجين وراح تكون سبب بمشاكل عديدة .. بس اذا كان من نفس الجنسية بس الزواج برا البلد نفسو فما بعتقد أنو راح يكون مشكلة (وهي من تجربتي الشخصية ) طالما أنو الواحد راح يرجع يستقر ببلدو بالنهاية ...

أما بالنسبة للنقطة الأخيرة فأنا ضد فكرة تدخل الأقارب بشكل نهائي .. أما الأهل بيضلوا حالة استثنائية بمعنى أنهم بينصحوا وبيحاولوا يعطوا من خبرتهم (طبعاً في حال طلب الزوجين للمساعدة) ...

وشكراً الك ماتيا عالموضوع القيم