اقتباس:
كاتب النص الأصلي : صياد الطيور
بالقوة ما خرج نرجع اللواء
بنص الساعة الجيش التركي بيدخل من الحدود الشمالية بيطلع بالأردن و بدون ما نأثر عليه بشي
الجيش التركي أقوى جيش بالمنطقة بلا منازع
سوريا عم تعيش أزمة مياه و اذا اختلفنا مع تركيا رح يقطعوا عنا المي
بقى ما في حل غير الشباب يقايضو عليها و هي معهن و معهن بلكي مناخد شي بالمقابل و هادا الي صار
|
انو سمعو يا عالم على هالمنطق, ما الاسرائيليين بيقدروا كمان بنص ساعة يوصلوا لحلب اصبح بنفس المنطق منتنازلن عن الجولان.
كل اللي عم تحكي هو تبرير سخيف لواحدة من خيانات العائلة المالكة في سوريا
الاتراك بعمرن ما هددوا سوريا عسكريا مشان تتنازلن عن اسكندرون واذا قصدك على اللي صار ب 1998 فما كان بسبب اللواء وانما بسبب دعم حافظ الاسد ل عبد الله اوجلان وحزبو
ولاحظ ما حدا بعمروا طالب باسترجاع اسكندرون بالقوة بس على الاقل اذا عاجز عن حقك هلق ما بتتنازل عنو وبتبطل تعلم ولادك انو هي ارض سورية واهلها سوريين وبيحكوا عربي
بس ما حكيتلنا سوريا الارض والمواطن مو سوريا الاسد شو استفادت من هالمقايضة اللي تفضلت فيها؟؟