نحني ماشين على طريق الذل بمنحني تصاعدي , يعني كل ما لنا لورا و ما بستبعد ابدا بعهد الوريث القادم انو تصير خريطة سوريا ناقصة شقفة من الشمال الغربي وشقفة من الجنوب الغربي
في عبرة تانية ممكن نستخلصها من هالقصة وهي انو شعبنا لاسف ما بيفكر او ما بيحب يفكر طالما في قيادة ملهمة عم تفكر عنو
بتذكر هالموضوع اثير بالمنتدى مرة وفي واحد تفلسف وقال , شو بعرفنا انو اهل لواء اسكندرون بدن يرجعوا لسوريا, يعني بتصور لو حدا قال هالحكي باول التسعينات ايام اخوة التراب وثقافة الاحتلال العثماني كانوا اعتبروا خائن انبطاحي زئبقي
يعني معايير الخيانة والوطنية بحددها فقط النظام واتباعو , مبارح اللواء السليب والاتراك كلاب استعمرونا وهني سبب تخلفنا , اليوم انسوا الموضوع واهل اللواء ما بدن سوريا والاتراك احبابنا
لك حتى على مستوى المسلسلات التاريخية صار ممنوع حدا يحكي عن الفترة العثمانية بسوء
اقتباس:
كاتب النص الأصلي : VivaSyria
اذا نسيت التاريخ لزكرك.. الأتراك هنن العثمانيين يلي احتلونا 400 سنة و حرقو الشعب و حررنا بلادنا منهن بعد ما رجعونا لورا 1000 سنة.. هدول هنن اخوانك!!!!!.. بس وقت توضحلي انتمائك أكيد بصير اقدر افهم شو عم تقول.
|
اي وشو استفدنا برايك من هالتحرير اللي بهوي , ليكنا رجعنا لورا كمان شي الف سنة
شو الفرق بين لما اللي انت بتعتبروا غريب يدعس على راسك 400 سنة وبين اللي المفروض ابن بلدك يدعس على راسك 40 سنة والله اعلم قديش لسا كمان