اقتباس:
انا اللي جا ببالي في تلك الساعة ...
انو الانسان بحث عن الحقيقة او حاول يبحث على الاقل
و برايي .. ما قدر يفسر بعض الظواهر الموجودة ... فدعاها بالارواح هاى الرغم من التركيز على شي ملموس للعبادة
|
انا هاد هوي الاختلاف بيني وبينك انت بتشوف انه بحث عن الحقيقة ووجدها بالروح المنشودة اما انا بشوف انه بحث ما يعبده بحثا عن الطمأنينة والخلود لا اكتر ولا اقل ووصل فيه الدرب إلى فكرة الله الحالية ، منتفق على ان الانسان بحث ومنتفق على الهدف من البحث ومنختلف على السبب الرئسي اللي خلاه يبدا بالبحث انت بتشوف انه كان يدرك جزء من الحقيقة وكان يبحث عنها انا بشوف كان يبحث عن قوة عليا تحميه وتبعث فيه الطمأنينة .
اقتباس:
لو نجي للواقع ...
نشوف الكل حوال يبحث عن الخلود .. , وصل كلكامش للحل ... الخلود بالاعمال ...
|
بتفق معك ان جلمامش سلك درب تاني وانزاح نحو الأعمال وبالتالي البحث عن الخلود ليس بالضرورة ان يقود إلى الله قد يقود إلى عدة نتائج قد يكون الروح احداها .
اقتباس:
مين قلك انو الملائكة ما عم تظهر اليوم ... بشكل آخر . بشكل مختلف
من ظهرت لواحد ........ يجوز حتى جيران هذا الشخص ما شافوا الملاك .. لان مو كل واحد يقدر يتقبل
مستوى الوعي ... و ثقافة التقبل موجودة ... و إن دخلت الاساطير
و هي نقطتي .... ما في دخان بلا نار .... و إن دخلت اساطير بالموضوع
|
سبق وقلت لك قد لا يكون في نار بالاصل قد يكون الانسان شاف شوية ضوء بعيد اعتقد انه نار ونحن هلق همنشوف الدخنة الناتجة عنها قد لا يكون هنالك دخنة من الأصل .
اقتباس:
ما ممكن تخلي شخص يصدق بوجود برنامج الاوفيس ... قبل ما يصدق بوجود الكومبيوتر بحد ذاتو !
|
انا فيزيائيا بآمن بوجود اللا مرئيات ولكن مافيني آمن بكل اللامرئيات بكل بساطة ممكن الاثير الفيزيائي يركز لي الفكرة يعني انا ما بقدر قدم لك عينة عن الهواء لكن فيني قدم لك عينية عن الأثير الفيزيائي اللي عمله بتحريك الكرسي مثلا وكذلك الاوفيس فيني قدم لك ورقة مكتوب عليها عبر الاوفيس وحتكون كاثير فيزيائي لوجوده بشكل غير ملموس لكن الروح او الله لا يوجد اثر فيزيائي يدل عليها بشكل اكيد واعتبار الكون ناتج من قوة عليا لازالت نظرية يحبث في مقدار مصداقيتها .
اقتباس:
ارجع و اقول ... الفكر الانساني اندمج و تطور عالميا ... و رجع تخصص من جديد !
يجوز الخيال الخصب للانسان يرجع بالخير الى حقيقة و انبنت عليه الاساطير اليونانية .. وقبلها الرافدينية و الهندية ... الخ
|
بالتالي فيني اعتبر فكرة الله بحد ذاتها " مسروقة " من الخضارات السابقة اللي كانت توضع نظريات مختلفة وبالتالي فهي نتاج انساني بحت وبشري بامتياز .
اقتباس:
مو قتلك .. الدين يقول في ناس يروا اعماق ابعد من االغير
في مثل شعبي .... الله ما شافوه بس بالعقل عرفوه
يعني الناس تستدل على الله من اعمالو ... و تستدل على الملائكة من ظهوراتها من بعض الحقائق عنها ....
نتيجة خبرتهم و تجاربهم و عجزهم في تفسير الظواهر اللي خافوا منها
|
وكانك قاعد بقلبي انا هاد للي بقولوا عدم وجود التفاسير البديلة هو ما يجعل لوجود الله اهمية طالما مافي بايدينا نظرية كملة على كيفية الخلق مثلا حنبقى معتنقين ومعتبرين نظرية الخلق مرجعية لكن في حال ايجاد تفسير منطقي وهاد الشي اكيد بده يصير بالمستقبل حنقدر نستغني عن النظرية الروحية ، القصة قصة قت لا اكتر ولا اقل حتى تزول فكرة الخالق بالتدريج نتيجة وضع حلول منطقية اكثر من الحلول الحالية المنسوبة إلى الله .
اقتباس:
ما نقدر نثبت كلشي بالطريقة المختبرية .... و الا رح نصل نتيجة ان التاريخ كلو خيالات واسعة ...
احنا بالتاريخ نعتمد على مبدا شهود العيان و النصوص المتوفرة ...
|
ما هنن شهود العيان هنن الدليل الفيزيائي اذا بدنا نعمل اسقاط للتجارب على قراءة التاريخ لكن حتى بالكتابات المنسوبة لا يتم الايمان فيها بشكل قطعي الا في حال تكرر المعلومات باكثر من مصدر منفصل وفي حال توافق مع المنطق ومع الفترة اللي عبيحدث فيها يعني حتى تاريخيا في شروط حتى تقبل الدليل .
اقتباس:
تقدر تثبت لي وجود الاسكندر الاكبر كقيادي ؟؟؟ الا من كم نص يوناني قديم يحكي عن وصول شخص اسمو الكساندر الى الصين و مات في بابل و اندفن بمصر
يعني بحسب طريقتك .. ممكن المقدونيين حبوا يخلدوا اسم ملك من ملوكهم مثلا .... و نسبوا كل الفتوحات الى هذا االشخص ... مثل مانسب اهل اثينا كل القوات الى اخيلس ...
|
بس في نصوص بنفس الوقت مكتوبة من عالم تابعت الاسكندر برحلاتها متل كاليسانيس وغيرهم اللي كانوا مؤرخين عاشوا مع الاسكندر مهمتهم توثيق رحله يعني شهود عيان من درجة اولى اضافة إلى تقديم نظرية منطقية زمنيا وجغرافيا مافي شي بيمنعني اني صدقها لكن حتى لو كان المؤرخ شاهد عيان وقال لي بأول يوم كان بالرافدين تاني يوم بالنيل اكيد بدي ارفع المصداقية عنه حتى لو كان شاهد عيان بالاخير انا بعمل دراسة كاملة متكاملة بشوف بحضارة الرافدين تم ذكر احداث بتتقاطع مع رحلات المقدوني ام لا وهي اكبر مصداقية ممكن اني حملها واكتر من هيك ما فيني .
اقتباس:
كاتب النص الأصلي : suryoyo
بس نرجع و نقول .. نستدل على الاسكندر من الشي اللي عملوا .. من اثارو ... من كتب التاريخ
اتمنى تكون وصلت فكرتي  |
صدقا الحوار معك ممتع لأعلى الدرجات