[krimbow]

هلأ مو مهم شو انا مقتنع بس هنين هيك مقتنعين ، انا معك انو غلط بس هيك هنين فسروا تعاليمو و ع اساس انو مشيوا عليها ... صح غلط مو هم
المهم انو تغير العالم بافكار عظماؤ

من 5000 سنة كان العالم مفكر انو الارض محمولة ع قرون تور عملاق
من 3000 سنة كان العالم مفكر انو الارض مسطحة
من 500 سنة كان العالم مفكر انو الارض مركز الكون
من 300 سنة كان العبد سلعة بتنباع و بتنشرا
من 100 سنة كان مستحيل البني ادم يطير
تخيل بوكرا شو ممكن يصير

اما علي الديك و امثالو من الطأطيئ يللي فرزتهم روتانا او المستقبل او ال ال بي سي هدول طفرة بتنتج عن تخفيف الكبت الاعلامي يللي كان مغيب و محصور بايد اشخاص غير مؤهلين
و متلهم روبي و اليسا و هيفا هدول طفرات بينتجوا عن التحرر الاجتماعي بمنطقة مخنوقة بالحجاب و الغلابية

اقرب صورة لهيك طفرات هنين الهيبيز يللي ظهروا باوروبا و اميركا بعد انتصار الحلفاء بالحرب التانية ، مع انو مبادءهم كانت رائعة و مسالمة ، بس يظهر انو قانون " العملة الرديئة تطرد العملة الجيدة " فاعل بقوة مشان هيك انقرضوا و بقيت مادونا او الكترا او ...

الفكرة انو فيك تعمل من حايالله صبية نانسي عجرم ... بس شبه مستحيل انك تطالع من عشرين مليون .... مدام كوري وحدة

مشان هيك بتلاقي الناس بتعتبر الوسوف (مثلاً ) مثل اعلى ، او عمر دياب او .. لأنو سهل انو يقلدوهم ، او بشوية حظ و تمويل ملائم بيصيروا اهم حتى

اصلا لو ولد بين كل 1000 شخص زلمة " عظيم " كنا وصلنا لليوتوبيا من زمـــــــــــــــــــــــ ــــان

مشان هيك ... برأيي العظماء بيتخلدوا ،
و مشان هيك مزبلة التاريخ اكبر من التاريخ نفسو