اقتباس:
بس توضيح صغير على كلمة المصداقيه انو قصدت انو غلط انو الحوار يسير فى اتجاه واحد هو الاتجاه الالحادى.................وطبعا مين صوته اعلى من السلطه...........مفيش واسالو الحكومه
وانو اى اتجاه معاكس بينحذف فكده مفيش مصداقيه...........ده كان قصدى
|
أول شي هالكلام مو صحيح و ينتقص.. مو مني أو من بلاك كمسؤولين عن الموضوع (لأنو تعودنا) انما ينتقص من اللي فهم القصد من الموضوع و ناقش من وجهة نظر دينية لكن بالطريقة اللي قلناها نحنا.. لأنو معتبرتهم غير موجودين
و سبب حذف ردك توضحلك على الأقل خمس مرات.. و منهم مرتين من قبلي, و نرجع نحكيه... عم يطلب صاحب الموضوع وجهة النظر بطريقة عقلانية منطقية.. نقاش فلسفي اذا حبيتي... و اجا بعدو المنسق أكد على هالكلام انو رجاءا لا يصير الموضوع ديني بمعنى كل واحد يجيب نصوص ديانتو يأثبت فيها (كون فكرة الاله ليست حكرا على ديانة واحدة بل انها حتى سابقة على كل الديانات السماوية) و انتي ضربتي عرض الحائط بهالحكي و رحتى جبتي نصوص قرأنية و بين النص و النص نازلة استخفاف بالناس.. لها السبب انحذف ردك
و كمان كرد آخر على اتهامنا بمحاباة الاتجاه الالحادي.. كمية الردود "الالحادية" المخالفة اللي تم حذفها أكبر بكثير من كمية الردود "الدينية" المخالفة
أما اتهامات الاتجاه المعاكس يحذف و الاتجاه الالحادي و مدري شو من هالحكي... فما شايفها غير حجج.. ماني شايف فيها غير شي, و وضحت للمرة الأخيرة ليش انحذف ردك كون عم تبلش شوي تتعبني نظريات المؤامرة و الاتهامات الواهية و تضرعات ضحايا حرية الرأي المزعومين بهالمنتدى..
طبعا الكلام لمن يتهم و يهدد و يتوعد بشكل عام ... ماني قاصد حدا بذاتو
و شكرا