اقتباس:
|
لأ ما عندك بس تطعني بمعتقدهم و تتهميه جزافا بدون أي دليل عقلاني
|
حقي اطعن وحقي اتهم بس مو حقي قلل احترام وبتخيل اني الحمدلله ماعملت ها الشي
اقتباس:
|
و الله هون حيرتيني شوي... انو أرد عليكي بالتأكيد على انو الماسونية لا تحكم على المنسحب منها بالقتل, و للا اتركو هيك و بقول عذر أقبح من ذنب
|
من شي سنة او اكتر ببرنامج وثائقي على الجزيرة طلع واحد كندي ماسوني وقال انه هدد بالقتل اكثر من مرة اذا تخلى عن الماسونية او رجع لشي هنن بعدوه عنهامابدي ادخل بتفاصيل القصة لأني مو ذاكره منها كتير
اقتباس:
و الله انا متأكد انو صحيح... كون بديتي و انتي عم تقولي شي و هلأ عم تعملي نقيضو تماما
|
كيف هي ورجيني التناقض بردودي لعترف بغلطي او حاول اشرح اكتر
اقتباس:
|
أي مو العلمانية جاية من الماسونية و الماسونية من اليهودية المحرّفة؟ أول شي ما أثبتيلي هالحكي... سألتك كيف صارت هاي قلتيلي "هالحكي اكيد" ... طيب وين أكيد؟ ما جاوبتيني
|
كلو من بعضه صح لكن انا قلت انو بيتشابهو باشياء يعني في اشياء اكيد مابيتشابهو فيها
اقتباس:
|
ما بتصوّر هالشي... لأنو ما شفت وجهة نظر... ما شفتها.. نقلتي مقالة لأبو دجانة. هاي وجهة نظر؟ ما عم تحكيلي شي ملموس انما مع كل خطوة بالـ "لانقاش" هاد عم تطالعي اتهام واهي جديد... انا ما شايف جاي ع بالك تناقشي شي..
|
لأنك انت مابدك تشوف
اقتباس:
|
حكيتلك من قبل شو رأيك واحد يفتح موضوع يسميه "حقيقة الاسلام" و ينزل مقالات نبيل فياض و وفاء سلطان و يجي يقلك عم ناقش ؟ ما رديتي علي.. و عم تعملي نفس الشي كون بالنسبة الك المقدس هو فكرك... الفكر الديني.. و فكر الناس التانيين حقو فرنكين و ما عندك مشكلة تتهميه و حتى تنزعي عن هالناس صفات الأخلاق و تتهميهم بالانحلال و تربطي الأخلاق بطريقة تفكير وحدة (هون و بأماكن أخرى كتير بهالمنتدى ... و بصراحة ما بتنفعني حجة التسرّع.. لأنو اللي يطالب الناس لازم أول شي يطالب نفسو)
|
هلأ ماعرفتك
او يمكن كنت مابعرفك
ماني نبي ولا شيخة ولا راهبة لقدس فكري واجبره على الناس
مابتعرف بجوز مقدسة افكاري بس بيني وبين نفسي
مابعترف لحدا انه فكره حقو فرنكين لكن ممكن بيني وبين نفسي حس هيك
صفات الاخلاق و انحلال الاخلاق هي واجب الشخص اما بيفرض الناس عليها
او بيجبر الناس تتهمه بها الشي
سبق وناقشت بمواضيع اكبر من هيك عن الاسلام هون باخوية وبراتها وبعد الشي يلي صار قررت ماعاد خوض بنقاشات عن الاسلام تحديدا لأني بعترف اني مستحيل اقتنع ولا اقنع
اقتباس:
|
مو علي.. انما اللي عم يرد على كلامك الجارح و غير الموضوعي بحق معتقدو... انتي بنفسك كتبتيلنا ديباجة عن أملك الخائب بأخوية و اخدتي ع خاطرك ع ناس ردو عليكي و انو ما بيعرفو يناقشو... الخ.... انا ما عم شوف نقاشك وين... و لا عن شو عم تناقشي و لا لشو... عم شوفك عم تجيبي كلام مجهول المصدر ( و مصرة على سريتو
|
http://www.aljazeera.net/NR/exeres/C...57CACF5.htm#L4
هي المصدر
بعدين اذا زعلت هي مشكلتي
...
مو مشان شي