اقتباس:
كاتب النص الأصلي : Madmax
قلّي واحد اليوم ...على سيرة تقديم الساعة
أنو بحياة عرضك ..لشو قدموا هالساعة ....فيك تقلّي
جاوبتو أنا ...بدون انتباه ..قدموها ..لأنو صارت تعتم مأخّرة
قلّي يعني و تعتم مأخّرة...شو جايينا نحنا اذا عتمت قبل يعني...
أنو يعني ...اذا عتّمت مأخّرة مش أحسن من ضو الشمعة...أو النيون عالبطارية..؟؟
لا ..أنو بحياة عرضك لشو قدموها .و لشو بأخروها ....لشو بيلعبوا فيها لهالساعة
شو في ورانا نحنا ليش ..؟؟ شو مأثر علينا الوقت نحنا ..؟؟
ما في شي ببين معنا نحنا ..لا الليل و لا النهار
أنو شو بمدينة تورينو نحنا ..
ليقول الواحد ...أنو كاينين نصنع 3000 سيارة فيات بالنهار
و هلأ اذا عتّمت بكير كارثة ..يعني رح يصيرو 2890 سيارة
شو خربت الشركة يعني
و بدا تأثر عالسوق ..و العرض و الطلب يعني تفشكل كلو
لأنو هلأ بطوكيو نازلين فبركة بهالوقت بالتويوتا...و نحنا بتورينو سرّبنا مثلا
و قام طبش الميزان التجاري لصالحن 48 ساعة... يعني هي نكبة كبيرة
تأثر الاقتصاد و زاد مؤشر التضخم و تفاقمت البطالة ...
شو في ورانا نحنا .. ليقدموا الساعة ساعة ..؟؟
و يلخبطوا العباد
يعني شو هالساعة اللي من العمر يعني ..؟؟
كل سنة بتقدموا الساعة ..ساعة ..و بتأخرونا عشر سنين لورا بنفس الوقت
ما انتو انتبهوا عالسنين كمان مش بس عالساعات
أنو يعني ...كش الحمام ...شو بيأثر عليه ساعة بالزايد أو بالناقص
ما هيدا ..ساعة بيجي هالحمام ...منكشّو ..ليلا نهارا ما فارقة يعني
و عم نأمن الخدمة للمنازل .......من المنازل
دوام العادة |
ياخي كبير... مو بايدو هالزلمة... كبير