[معرف]

شو هيي الفرحة الكبيرة
ايش بنقصد بالفرحة الكبيرة الزواج
طيب اتذكروا معي شوي
وقت بيخلق الطفل مثلا بيقلولو ألف مبروك وعقبال الفرحة الكبيرة
طيب بيكبر الولد وبيصير شب بينجح بشهادات السادس والتاسع والبكلوريا
بيجي شي حدا لحتا يهنيه بيقلو الف مبروك شهادتك وعقبال الفرحة الكبيرة
بيتخرج من الجامعة نفس الشي عقبال الفرحة الكبيرة
أمك بدها تعزم حدا لعندا بتقلا الست رفيقتها انشالله بفرحة ولادك
والمقصود طبعا بالفرحة الكبيرة وفرحة ولادك يعني يوم بتجوزيهن
طيب ليش الفرحة الكبيرة هيي الزواج يعني شو فيها اذا الواحد ما اتزوج
يعني انا بفهم انو المقصود من القصة انو الزواج والأولاد والأستقرار هنن اسعد وأحسن شي بهالدنية
طيب اذا الواحد اتزوج وما قدر يجيب أولاد و كان بيحب مرتو وعايشين مبسوطين ما بتكون هيدي فرحة
او اذا اتزوج وما قدر يطعمي ولادو أكل هيدي بتكون فرحة شي
أو طلع ابنو شي ازعر فلتان او بنتو قليلت الأدب وين الفرحة بالموضوع
او اختلف هوي ومرتو لا سمح الله واتطلقو وين الفرحة بالموضوع
طيب ليش الفرحة مش وقت الشب أو الصبية بيتخرج وبأيدو شهادة وبلاقي شغل ياكل ويشرب من وراه
ويأدر يطعمي هالمخلوقة يللي بدو يتجوزها بيوم من الأيام
أو وقت بينجح بالبكلوريا وهوي مجمع شي 230 علامة
أو وقت بيربح اليانصيب مثلا
ليش الزواج هوي الفرحة يا عمي ليش
شو بعمركن ما سمعتو عن حدا ما تزوج وعايش حياتو ومكيف فيها يعني
بتمنى حدا يقدر يفهمني ليش الزواج هوي الفرحة الكبيره