وحياة حياة
انا صار لي فترة حاسس حالي عايش بنهر الجنون فعلا
طلاب بنزلوا المحاضرة بدل الدكتور وبيطلب الدكتور مساعدتهم بوضع نموذج التصحيح بلعناها هي
عالم بتقول مايكل آنجلو أعظم فناني العالم وبكافة المقاييس قليل ادب وبعضهم قال عنه كافر بلعناها هي كمان
عالم طلع معها السياسيين الغرب حطوا عقلهم بعقل فونت بالكومبيوتر وقعدوا يبعتوا مسجات لفك الاحداث المستعصية بلعناها هي
عالم طلع معهم الاساطير كلها لعي فاضي ومافيها شي من الحكمة وكلها تضييع وقت بلعناها هي
عالم طلع معهم الانسان اللي بكون وصل لحياته لطريق مسدود وفكر ينتحر هاد مانه بني آدم هاد جحش معبى ببنطلون ولازمه قواس وبئس المصير بلعناها هي كمان
بس انه حضرتك ما عبتنبلعي معي ليه ؟!
انه ليش كل هال شغلات اللا منطقية انبلعت معي وانت عبتستعصي بحلقي وما عبتنبلعي ما بعرف ليه ؟!
حضرتك حسيتي بنائا على حساساتك المدري من فين مستوردتيهم انه ديانك السميحة اهينت ومنطقك الساوي ( باعتبار انا طلعت الأعوج واكيد انا ومنطقك ما منتفق ) قال لك : " ايه يا الله تعا نهين شوي الاديان التانية عبينهان الاديان وعبتنهان "
انه كيف بدك ابلعها هي ؟! شلون بدها تزبط معي ؟!
والأحلى من هيك هي الجملة الخالدة تبعك
ليش تعي شوفي لي هال تحفة اللي طالعة معك
ونعم توفيق الحكيم
