اقتباس:
يا حبيبي انا ما عم احكي عن عبد الحليم خدام بعينو
عم ورجيك مثال عن ضعاف النفسو
يعني شخص متلو ذو امكانيات كبيرة وثروة هائلة وسلطة
ليش ليفكر بالانقلاب ؟؟
فلا عتب علي الاصغر منو
|
أنا بيخوّفني مصطلح ضعاف النفوس.. مو لأنو عم تحكيه عن خدام اللي احتقرو و احتقر كل شي يمت له بصلة... و ماني قاعد ليشيل لينك اخوية من صفحتو المشؤومة لأنو ما بدي أي علاقة بهيك سافل
يخوّفني مصطلح ضعاف النفوس لأنو استعمالو براغماتي... يعني بموجب وضع المعارضة كلها بسلّة واحدة هيك لقب مقترن بلقب الخيانة أو أو أو ممكن ينزل ع أي واحد...
طيب ع راحتك...
اقتباس:
وعلى كل حال انا مو ضد الدمقراطية
ولكن على مراحل تطوير وتحديث ومحاربة الفساد
|
و قديه هالمراحل هاي... ع كل ما بدي عن جد احكي بهالشي لأنو نقاش عقيم.. وجع قلب لألي و لألك على الأغلب
اقتباس:
لازم يكون واضح اني الرئيس بشار الاسد غير كتير مفاهيم للدمقراطية من زمن الاب ..وهاي لازم تكون واضحة
|
كمان ما بدي احكي بهالنقطة
اقتباس:
يعني بعد كبد على مدار 50 سنة اكيد ما رح يكون في دمقراطية سياسية بيوم وليله
بيصير لكل 10 اشخاص حزب مستقل  وبتصير شغلة يلي ما لو شغلة
|
هاااااااااااي اللي بدي احكي فيها...
شو ضرك اذا في أحزاب؟ يعني كل عشر أشخاص حزب مستقل قلتلي... ليش أحزاب الجبهة احسن؟
بعدين سبق و حكينا لطلع ع لساننا شعر انو الديمقراطية ليست وليدة يوم و ليلة .. .بدها شغل طويل و تعاون وثيق .. لكن الخطوة الأولى ما عم ينمشى فيه لأنو لا مصلحة لهم انو ينمشى فيها...
لسى في ناس عم تعتقل على حكي... عمي حكي عادي... قال اضعاف شعور قومي و نشر اخبار كاذبة.. و ما عم احكيلك لا عن خدام و لا عن البيانوني... شب متلي متلك لا لو علاقة بحزب و لا ألو مراق بالعمل السياسي.. ع حكي...
هاد الشي ممكن يصير مو بس بين يوم و ليلة... ممكن يصير بلحظة... بس لزوم انو الناس تعيش بخوف محافظين عليها .. هاد بيت القصيد
هامش عام بخصوص "نحنا" و "انتو" و هالتعميمات من هالنوع... يا جماعة كلنا ولاد بلد و بالنهاية يفترض انو بدنا مصلحة البلد و التقسيمات هاي غلط كبير... لأنو لا كل من قال معارضة متل بعضو و لا كل من قال موالاة متل بعضو... لذلك خلونا نتعامل مع فكر و حديث و نقاش بدون تقسيمات مالها داعي
و يا هلا