اقتباس:
|
يا ياسين نحن عن نحكي عن الدمقراطية ومنعرف كلياتنا اني لسا في خوبة ببلدنا
|
خوبة شو؟ اشرحلي و الله ما عم افهم عليك
اقتباس:
اكبر مثال هوي عبد الحليم خدام كيف بدك تعمل دمقراطية إذا كان في خونة في كل مكان
وتنظيمات سرية ومخططات انقلابية
|
هلأ عم نحكي عن الديمقراطية و بتحكيلي عن أبو يورانيوم؟؟ يا معلم هاد كان نائب رئيس جمهورية اذا ماني غلطان.. يعني يتعاير فيه بالعكس و ليس كما تستخدمو حضرتك
بعدين شو تنظيمات سرية و ما سرية و حركات انقلابية... أي شو البلد شوربة؟ و مين قال انو الديمقراطية يعني تسيّب؟ يعني ما بعرف أنا ضايع بكلامك بصراحية
اقتباس:
|
بعدين قلي وين في دولة عربية فيا دمقراطية ومالها عملية .......
|
و مين قال انو نحنا لازم نعمل اللي يعملوه العرب؟ ها لأ طوّل بالك...
شو معنى عميل؟ ماني عم دافع عن حد أبدا.. بالعكس تماما رأيي بالأنظمة العربية واضح و صريح من زمان... بس شلون يعني دولة عميلة.. هيك خبط لزق دولة عميلة.. بدي أفهم منك هالنقطة
أي نرجع ... مافي داعي الشي يصير بالدول العربية لحتى نقلدو... ذاتا موقفنا السياسي كحكومة ضد المواقف السياسية لجل الحكومات العربية و هالشي ما اعتقد بدو دليل لأنو كلنا شايفينو.. معنى كلامك انو لازم نلحق العرب بشو يعملو؟
اقتباس:
|
هل برئيك اميركا بالعراق دمقراطية ؟؟؟؟؟؟
|
و شو دخل العراق بالديمقراطية.. شو دخل أميركا بالديمقراطية؟ مين قلك انو أميركا بدها تجيب ديمقراطية عالعراق... حجة يا أخي حجة..
بعدين القضية العراقية شي ثاني تماما و عم نحكي عن سوريا.. و سوريا مانها العراق و اسمحلي مرة تانية قلك انو الترهيب بشبح العراق حجة واهية من زمان انتهى مفعولها