[LOVEGHOST]

انا شب حلو وطويل وناعم وعيوني خضر وكنت حب وحدة من صف العاشر (يعني من شي 6 سنين) وما تركنا محل الا ورحنا علية وانا تطوعت ب الجيش كرمالها (لانها بعمري)حتى فينا نتزوج بكير (بلا دراسة جامعه وعسكرية وما بعرف شو) المهم نحنا شباب كنا نسافر ب سرفيس ونتسلى ع الطريق ونشرب بيرة (فوكس) وكل مرة كنا نغير الشوفير حتى جبنا شوفير جديد خدناة اول مرة بس تاني مرة الشوفير صار يشرب معنا وكان شارب عرق ب البيت وسكر ....وكنا ماشيين شي 130_140 ع الاوتستراد قام السرفيس اصطدم ب المنصف وقلب شي 13 قلبة وانا كنت فاعد اول مقعد من قدام و السرفيس قلب ع جهتي وصار معي نزيفين ب الدماغ و ارتجاج دماغ ضليت ب مشفى تشرين العسكري ب الشام ب قسم العناية المشددة شهرين ونتقلت بعد منها ع القسم وضليت شهر بعدين طلعت ع البيت وبعد ما اجيت ع البيت بشهر لحتى حكيت ومشكلتي هلق هيي اني بسمع كل شي بس ما بفهم شي ولازم اقرأ الشفايف حتى افهم ع الواحد يعني بسمع كل شي وما بدي لا سماعات ولا بطيخ والحادث صار بتاريخ 29 تموز 2006 وأنا كنت اسأل خطيبتي بتاخديني انا وهيك تقلي اي بس لمن جينا ع كتب الكتاب ما مشي الحال قال شو قال ازا بنطر لسا سنة بس ابوها لمن قلنالو بتضمن السنة الجايي بنكتب الكتاب لو ضليت هيك ؟؟؟؟قال لأالسؤال هوي انتو يا شباب ويا صبايا برأيكون معها حق ولا لأ؟؟؟وانا شو ذنبي اذا عملت حادث وحبيبتي تركتني؟؟؟؟