المنتدى كمنتدى بدي بتاريخ أول موضوع (تبع حكمة حاكم لفارس).. قبل كان في صفحة أخوية بس كانت صفحة أخبار للكرمس الخيري و فعاليات أخوية سيدة السلام بحمص (و هاي اللي بديت بتشرين الأول 2003 و اللي كانو مشتركين بالنشرة البريدية بالصفحة هاي لما انعمل المنتدى عملولهون اشتراك اوتوماتيك بالمنتدى لذلك تشوف أول 400 عضوية تقريبا مالهون مشاركات تقريبا).. و الصورة الل حاطها ميدو هاي ما طوّل كتير هالستايل لأنو أنا سجلت يوم 23 تموز 2004 و بعد ما سجلت بشوي تغيّر الستايل (نفس ستايل منتدى اللادينيين العرب) و ظل هالستايل نفسو لحد تشرين الأول 2005 يمكن.. لما تغيّر عالستايل الحالي
حاصله.. لما دخلت أنا كان في خمس مدري ست أقسام فقط و كأعضاء فعالين أكيد ما بيتجاوزو 15 عضو...
اقتباس:
|
ياسين وسيزار كانو من الشلة الاولى بعتقد واسعتن
|
سيز فات بعدي بشي 8 شهور (و عالهسي بدون ما يسمع... كان مشاغب و مشكلجي
)