اقتباس:
كاتب النص الأصلي : gabriel
انا بالنسبة إلي بقدّس الصداقة جدا يمكن عرفت ايمتها وقت صرت لفترة وحيد وبدون اصدقاء واثرت القصة كتير عليّ كتير بدايق وقت واحد يكون في بقلبه حكي ومافي غير الحيط بيسمعه بس الأصعب انه يكون في رفيق متوقع انه صديق لكنه اشبه بالحيط .
انا بحسب قرائتي للتاريخ والكتب المختلفة اعجبت كتير كتير كتير بنوع الصداقة اللي ربطت المسيح ببطرس
وخصوصا من جانب بطرس
انسان نقض الصداقة ونكر صديقه 3 مرات وتخلى عنه بالوقت اللي كان لازم يوقف جنبه وبقي ضميره عبعذبه طول عمره لدرجة انه ضحى بحياته وتحمل كل المشقات مشان يعبر لرفيقه عن محبته اله
انا من جهتي بعتبرها قمة الصداقة وفعلا اسمى انواعها واصحها هي الصداقة اللي ما بتتوانى انك ترمي بحياتك مشان صديقك .
انا كتير بيعجبني بطرس بالموقف اللي عمله فعلا كان صديق بكل معنى الكلمة .
فتحت لي جروحاتي  |
الفكرة الحلوة و يلي دائما لازم ننتبهلا أنو الواحد منا اذا حب الشخص التاني بيعمل كلشي كرمالو
و "الصداقة الحقة" يلي هيي عنوان موضوعنا هي الصداقة يلي بيكون الساس تبعا المحبة
و بعيدة كل البعد عن المصالح و الأهداف و الغايات
و على هاد الأساس وقت بتحب بتضحي و بتقدم كل شي و ما بتبخل بشي
بس وقت بيكون عندك اهداف و مصالح و غايات مانك مستعد تتنازل لصديقك أو تقدملو شي اذا ما كان بيخدم
مصلحتك أو غايتك معو.
موضوع بطرس موضوع كتير رائع و اذا بدنا نتناولو من باب الصداقة و الوفاء للصديق ما بتلاقي احسن منو نموذج
و يلي حكيتو انت بيكفي و بيوفي ما بزيد شي عليه
