[maged-syrian]

انا جلست اكثر من شهر ونصف بالشام بأجازتي لم أرى عيباً غير العيوب الاقتصادية والغلاء الفاحش ... أما بالنسبة للاوضاع الامنية فالأمن مستتب والحياة ماشية والعالم راكضة ورا ارزاقها وهي مطمئنة ... اما بالنسبة للاسطوانة المشروخة بالروح بالدم .. وتلصيق صور الرئيس على الحيطان والسيارات وماهنالك فالشغلات هاي انتهت من زمان وصارت شغلة شخصية برضا الفرد هو حب يضع ملصقات للرئيس هو حر ماحب هاد الشيء بيعود ألو ..
صحيح أنه يوجد شغلات كتير سيئة بسوريا لكن من العيب أن نضع كل اللوم على شخص الرئيس فقط .. لأن الرئيس مهما بلغت صلاحياتو ومهما كانت ايدو طايلة مارح يقدر يتابع كل حركة بتصير بالبلد ..
نجي لعدة نقاط .

إلى متى سنبقى على هذه الحال إلى متى سيبقى ابن الوزير يعتدي على المواطن العادي

ياريت تعطيني مثال واحد فقط لكي اصدقك

إلى متى سيبقى عنصر المخابرات يضرب ويشتم دون أن يعاقبه أحد ويسأله أحد لما فعلت هذا أو ذاك

على حسب ماسمعت ان الضرب وسب الاهل وشتم المواطن صار فيها محكمة عسكرية او عقوبات مشددة ؟! يمكن هالحكي بالماضي صحيح ..

إلى متى سنبقى على مبدأ إدفع بتمشي ما بتدفع بتاكل خرا وبترجع لورا

هاي شغلة الواسطات والرشاوي منتشرة بكل مكان مو بس بسوريا ... وهالشغلة هاي لازم تحارب بكل وسيلة من طرف افراد الشعب نفسهم قبل مايكون من طرف السلطة .. الوضع الاقتصادي السيء والغلاء الفاحش بيلعب دور كبير ..

إلى متى ستبقى هذه الحكومة الأبية بقيادة القائد الأبي تسرق وتنهب وتعاقب دون وجه حق

من العيب ان نلصق كل عملية نصب واحتيال بشخص الرئيس بشار ... صحيح ان بعض اعضاء الحكومة فاسدين وبعض الوزراء قمة في الفساد .. هاد الشيء لايعني ان الرئيس هو سبب هذا الفساد ... بيضل الوضع بسوريا افضل من البلدان المجاورة بكل الاحوال ..

إلى متى سيبقى صاحب الحق مذلول ومضطهد في ظل قيادة عادلة وحكيمة

رح اعطيك مثال حي :
انا كان الي مبلغ عند شخص واجا وقت استحقاق الدفع .. والزلمة ماطل وماطل وبالنهاية تهرب ومادفع .. فلمن رحت اشتكيت عليه صحيح اني دفعت مبلغ بسيط لايزيد عن 2000 ليرة لكن بالنهاية حصلت حقي كامل مكمل .

حلّو عنا طلعوا من حياتنا هلكتونا والله هلكتونا ودبحتونا وكسرتو ضهرنا

يعني اذا حلو عنك اللي رح يجي حيكون افضل منهم ؟!
انا برأيي انهم مهما كانو سيئين فهم عالاقل شبعانين .. بينما اللي بدوا يجي بدوا يبلش نهب من نقطة الصفر
انا لا مع ولا ضد .. بس كلمة الحق تقال ان بشار افضل من غيرو يكفي ان الوضع الامني بالبلد كتير ممتاز بالرغم من الاحوال المحيطة بالبلدان المجاورة لسوريا ..

عالهامش : انت عم تحكي بصيغة الجمع فعلسان مين عم تحكي ؟!
واذا عمتعبر عن رأي شخصي فليش كل هالتبهير وليش عم تحكي بصيغة الجمع ؟!