[يمان Rooooonaldo]

مرحبا شبيبببببببببببببببببببة ..

كيفكم ..

اي خيو .. هي بما انو الحجة مسابقة .. كاس امم اوربا لعام 2008 .. حولت عالبواب ..

( ولك عالبواب مو انو عنا بالعباسيين او شي نو انو يعني قربت )

اي .. المهم .. بقا قلنا لازم نعملا الواجب .. ونعمل مسابقة توقعات للمباريات ..

هلا ما لح نبدا من اول اسبوع .. بالمسابقة ... خلي الفرق تبين كل واحد شو وضعا .. وكلشي تمام .. وما عاد نلحق لانو البطولة اصلا بتبلش يوم السبت ..

لزلك لح تبلش التوقعات .. اللي بدنا نحطا اعتبارا من المرحلة التانية اي من يوم الاربعا .. 11-6




هلا نظام المسابقة حيكون على الشكل التالي .. :

3 نقاط للي بيتوقع نتيجة المباراة .. بدقة تامة .. يعني بتكون النتيجة 3-1 وبيكتبها 3-1 الو 3 نقاط

2 نقطة .. للي بيتوقع نتيجة المباراة .. بنفس فارق الاهداف .. يعني مثلا انت كتبت .. 2-1 خلصت المباراة مثلا 1-0 او 3-2 .. بهي الحالة .. لح يكون الك نقطتين ..

1 نقطة .. للشخص اللي بيتوقع الفوز او الخسارة او التعادل بس .. يعني مثلا .. انت كتبت 1-0 خلصت 3-0 مثلا


هلا .. النقاط الاضافية .. البونس :

كل اسبوع لح اختار .. 5 مباريات .. اللي لح يقدر يحزر 5 مباريات بدقة تامة .. لح ياخد 10 نقاط بونس
( هلا هي اللي لح ياخدا .. بدو يكون شليف من نوع فاخر )

اللي لح يحزر .. 3 مباريات من اصل 5 بدقة تامة لح ياخد 5 نقاط اضافية



بتمنى يكون كلشي واضح .. وفيكم تروحو تشوفو موضوع التوقعات للاسبوع الاول ..

من هون