يا سيدي ولو كان ..
نحن لهااااااااااااااااااااااا ااااااااااااااا ...
هالمرة اعملنا اجتماع عالمي للتوتات .. وبعد تفكير وتمحيص ..
اطلعنا بالنتيجة التالية ....
منقسم الدهبات تلت مجموعات اربعة اربعة ...
ومحط اول اربعة بكفة وتاني اربعة بكفة ....
في حالة طلعوا مختلفين بالوزن .... فهذا يعني انو الدهبة
المختلفة بوحدة من الهالكفتين ..
والأربعة اللي برا مزبوطة يعني كلها نظامية .... ( هي اول وزنة )
هلأ .... باعتبار انو لازم تكون كفة اتقل من كفة .. ونحنا ما منعرف
الدهبة اخف ولا أتقل من الدهبات الباقيات ...
انا رح افترض انو الكفة اليسار هي الكفة الاتقل ....
والكفة اليمين هي الكفة الأخف ....
منشيل من الكفة اليسار تلت دهبات ومحطن بالكفة اليمين ..
ومنشيل من الكفة اليمين تلت دهبات ومنحطن بالكفة اليسار ...
هلأ .... إذا ضلت عنا الكفة اليمين أخف من الكفة اليسار معناها انو
يا اما الدهبة الخفيفة ضلت بالكفة اليمين يا اما الدهبة التقيلة ضلت بالكفة اليسار ..
مناخد أي وحدة منن ومناوزنها مع دهبة من الدهبات الاربعة اللي ضلوا عندي برا
إذا كانت أخف أو اتقل فهي الدهبة المطلوبة ... أما اذا كانوا متل بعض فالدهبة
اللي ضلت عندي هي الدهبة المختلفة ...
اما ... اذا اختلف وضع الميزان لما بدلنا تلت دهبات من الكفة اليمين مع تلت
دهبات من الكفة اليسار .... فهون عنا احتمالين ...
الاول .... انو تصير الكفة اليمين اتقل من الكفة اليسار ....
التاني ... انو تصير الكفة اليسار اخف من الكفة اليمين ....
بالاحتمال الاول .... منعرف انو الدهبة المختلفة اتقل من الدهبات الباقيات ...
ومناخد التلت دهبات اللي عرفنا انو فيهم الدهبة التقيلة ...
ومناخد منهن تنتين منحط كل وحدة على كفة ... ومنشوف الأتقل هي الدهبة
المختلفة ... أما إذا طلعوا متساويين فالدهبة التقيلة هي الدهبة التالتة ...
بالاحتمال التاني .... منعرف انو الدهبة المختلفة هي اخف من الدهبات الباقيات
ومنكمل نفس الشي بالاحتمال الاول ...
.................................................. ..............................
هلق منرجع لأول شي ... للوزنة الاولى ...
إذا طلع عنا ال 8 دهبات اللي حطيناهن عالميزان متساويين ...
والدهبة المختلفة بال 4 دهبات اللي ضلوا عنا برا ....
ماخد منن دهبتين ومنوازنن مع دهبتين من ال 8 دهبات المزبوطات ..
وهو في احتمالين ..
الاول .. إذا طلعت كفة اتقل من كفة ... فهدا يعني انو الدهبة المختلفة
بالهالدهبتين اللي حطيناهن بالميزان ...
مناخد وحدة منن ومنوازنها مع ايا دهبة تانية ... إذا طلعت اخف او اتقل فهي الدهبة
المطلوبة .. طلعوا متل بعض ... فالدهبة المختلفة هي الدهبة التانية ...
الاحتمال التاني ... انو يطلعوا الكفتين متل بعض ...
بالهالحالة منعرف انو الدهبة المختلفة ... بالدهبتين اللي ضلوا عنا براا ....
مناخد حياالله وحدة منن ومنوازنها مع أي دهبة ... طلعوا متل بعض ط
الدهبة الأخيرة هي المختلفة ... طلعت أخف او اتقل فهي الدهبة المطلوبة ...
هاااااااااااااااااااااااا اااااااادااااااااااااااا هووووووووووو الحلللللللللل ..
تعبوا ايديي يا زلمة من الكتابة ...
والله يا كريمبوووووووووووووووو إذا ما بتكون العزيمة مطنطنة ..
لأعملك فضيحة مطنطنة وبجلااااااااااااااااااجل كمان ...
ايواااااااااااااااااااااا
