[يمان Rooooonaldo]

مرحبا جميعا .. هي لح اكتبلكم كلشي صار معي اليوم .. بالتفصيل

تقرير .. من ارض الملعب .. لمباراة منتخبنا الوطني مع المنتخب الكويتي ..

واها هية هية شقينا الكويتية ..

وشو ساويت اب شاكر شو ساويت .. دج دج دج

الحمد لله ..قدرت اني لحق احضر المباراة .. واليوم الصبحيات كانت وصلتي على سوريا ..

*******

رحنا عالملعب اول شي .. وطبعا للاسف كالعادة ... كرمال البطيخ الزفت المستثمر .. ما فاتحين غير 3 بواب .. منهن باب المنصة اللي اتعبت دغري .. من الساعة 5 كانت معباية .. حسب ما عرفت ..

ولزلك ضل لباقي الملعب بس .. بابين حتى العالم تقدر تفوت منن .. كان الحضور تقريبا .. فل كل الملعب .. يعني فيك تقول بحدود ال 50 الف او شي ما بعرف بس انو الملعب كان فل عالاخير الا منقطة كتير صغيرة .. وحتى ممكن انها تتعبى لولا انو جمهورنا فات قعد بمنصة الكويت



المهم بلشت المباراة عال 8 الشوط الاول كان سوبر سيئ من منتخبنا .. اللي ما قدم فيو غير شوطتين ما بينزكرو .. وحدة لمحمود امنة مرت من على يمين الجول تبع الكويت .. بس كانت حلوة يعني .. ووحدة لفراس الخطيب ..

المنتخب الكويتي بالاول .. كان لح يخورفنا بجول بالدقايق ال 4 الاولى من ضربة حرة دغري .. شاطها .. بطريقة غريبة ما فهمت كيف طلعت معو يعني بس دقت بالعارضة اليسارية للجول تبع بلحوس .. بس الله نفدنا والحمد لله ..

الهجوم تبع منتخبنا كان .. فراس الخطيب والشعبو اللي ما بين اليوم باللعبة وكان تعبان ما بعرف ليش ..



بداية الشوط التاني .. ومع مطالبة الجمهور منشان الله .. الاول ي الله .. وفعلا اشتغل الجمهور تمام ..

راح عمك اب شارك وعمل تبديل نزل رجا رافع محل .. زيادو وتحرك فعلا الهجوم زيادة .. وصار في حركة وسرعة باداء اللعيبة عنا .. ومن هجمة سريعة اجت .. وباصات سريعة .. وصلت الطابة .. عحسب ما ازكر ماني متزكر يعني ... يمكن لفراسو .. المهم .. اللي بيهديلو ياها .. لجهاد الحسين .. وشوطة حلوة .. من برا الجزاء بتفوت على يسار حارس الكويت .. بالدقيقة 52



بعدين .. حاول المنتخب الكويتي انو يرجع ليستلم اللعب بس ما صحلو كتير .. كان الو كل 7 او 8 دقايق هجمة تقريبا ..

بس ما في شي يذكر كل هالقد الو كان ..

والحمد لله خلصت المباراة .. بفوز منتخبنا .. والف الحمد لله والف مبروك .. مع تعادل المنتخب الاماراتي مع الايراني .. طلعنا .. هيك بالصدارة مع المنتخب الاماراتي ب 5 نقاط لكل فريق .. وان شاالله المباراة الجاية النا مع الكويت ب 8 الشهر بالكويت بدنا نبيض الوش ..

شوية متفرقات عن المباراة :

-صراحة .. اليوم عادل عبد الله ما خيب كل الحكي اللي انحكى عنو .. لعب لعب رهيب .. وكتير عندو ثقة بحالو كان .. ويمشي بالملعب بطريقة رهيبة ..

-الجمهور كان روعة اليوم بكل معنى الكلمة .. الملعب كان متروس ترس .. مع انو الفوتة ب 100 ليرة .. والمتعهد طبعا بالعقلية المتخلفة تبعو .. ما فتح غير بابين .. وخلانا على تدفيش .. ونعار ما عم افهم كيف 50 الف بدون يفوتو من بابين بس .. !! عيب والله عيب



-اليوم اداء .. رأفت محمد كان سوبر سيئ اليوم .. يعني صراحة كنت قبل اللعبة عم احكي انو منيح احسن من بكري طراب لح ينزل ... بس للاسف لياقتو ما كانت كل هالقد .. ! يعني اللاعب الكويتي طار منو اكتر من مرة .. بس الحمد لله الله نفدنا من فوتاتهم .. ناطرينك ترجع رأفت .. وان شاالله يكون في اسباب .. وبتروح

-تبديلات ابو شاكر اليوم كانت .. الها اثر كبير باللعبة .. يعني .. بالاحرى وقت طلع زيادو .. ونزل رجا .. كتير حرك الدفاع .. طلع عاطف جنيات باخر ربع ساعة ونزل .. عبد القادر دكة.. قدر انو يقوي الدفاع شوي تمام .. بعد نزلتو .

-وزعو تقريبا على الباب بحدود ال 30 الف علم يمكن .. وكانو كتير حركة حلوة متل وقت لعبة سوريا والامارات الماضية اللي صارت .

-طلعت المسيرات بعد اللعبة .. وفتلو بالعباسيين .. ووين ما بدكم .. ما تركو مكان ما نزلو فيه .. حتى وصلو -لمجتهد ..

********

هلا اخر شي .. بدي احكيلكم على اسوا موقف صار معنا اليوم ... وللاسف جد للاسف .. عيب عيب عيب بكل معنى الكلمة ..

اليوم .. كالعادة كان في حفظ النظام بالملعلب على اساس .. مفروض ينكتب عليهم لعن ابو النظام مانو حفظ النظام .. يا سيدي .. حفظ النظام برا .. عقد ما بيعيطو .. عقد ما عم يضربو و..عقد ما عم يدفشو .. هنن اللي عملو كل العجقة برا وخلقت العالم تختنق وهية عم تفوت ..

حفظ النظام.. هنن اللي جننو الجمهور بعد ما خلصت المباراة .. الجمهور بدو يفرح .. بدو هيك .. في تنين نزلو عالملعب .. بدن يحتفلو مع اللعيبة اوك انو مممنوع بس يا اخي .. ما هيك طريقة الرد اللي صارت طبعا .. لحقوه شي 5 من عناصر حفظ النظام .. وعلى ضرب بالعصي تبع العلام ووين بيجعك .. الجمهور جن جنانو .. وصار يرمي .. قناني مي .. وهيك على حفظ النظام .. وجد انو عيب عليهم كرمال يبعدون عن التنين اللي نزلو ...



بقومو بدال ما يهدو الوضع ويضبطوه بطريقة .. بتكون محترمة .. ومدروسة مفروض يكونو مدربين عليا لا.. الحمد لله .. صارو يمسكو هالاناني ويرجعو يشلفوها على الجمهور .. وشوفو المنظر .. حسيت حالي قاعد بحرب .. والشرطةة عم تشلف والجمهور عم يشلف .. اي والله فايزين وهيك كيف لو اننا خسرانين !!

جد الوضع كان بأسي وببكي .. والله يستر من هيك حفظ نظام ... انحكى كتير من قبل انو يا ااخي .. ما تروح تجبلي شوية عساكر .. عالملعب وتقلن اضبطو .. حفظ النظام تبع الملعب .. بدو يكون مدرب مخصص للمباريات ..يعرف يتعامل مع الجمهور .. بعمري ما شفت .. امن تبع ملعب عم يطلع واحد نزل على ارض الملعب بطريقة الضرب بالعصي ! يا جماعة والله عيب ..



كان في شرطي واقف ورايي .. انو رحت عم قلو كرمال الله هيك صار الحفظ تبع النظام برايكم ! بقلي هادا شعب تافه وما بيجي الا بالصرماية .. قلتلو .. ما يبلى هيك حفظ نظظام .. بقلي بدك ياهم يشوفو عم ياكلو ضرب ويسكتو ! .. لا بدنا نرد عليكم نحنا ..

قلتلو يعطيك العافية .. ودام التخلف عنا بالبلد .. طول ما بدو يكون في هيك اهمال .. لهيك قضايا ممكن يروح فيا عالم بلاوي .. على هوا العدد الكبير اللي بكون متواجد دائما ..

ما عاد احكي اكتر من هيك .. ان ش الله يكون الملخص ..تبع المباراة .. عجبكم ..

والف مبروك لمنتتخبنا .. وعقبال ما نشوفو .. فوق فوق ..

دج دج دج سوريا د جدج دج سوريا ..

وشو ساويت اب شاكر شو ساويت دج دج دج

يمان .. وسامحونا عقلة الصور .. بس ما يا دوب .. كان عندي مشاكل الدنية .. ويا دوب ..
يعني صحلي اني لحق احضر المباراة ..

عراسي .. وسلامات