حلو ها الحكي
هادا كنا ببيت القهوة في المزة (إن هاووس كافيه)
جلسة عمل
حكيت يمكن عن شهر وكان الحكي مستفز شوي
المهم التعى قلبي ووجعني راسي وحسيت اني رح موت من العطش ما عاد اقدر
اعلنت انسحابي بحجة الوقت تأخر وانو للحديث تتمة
وطلعت دورت سيارتي المتواضعة والى اقرب سوبر ماركت
نزلت وركضت على براد المي فتحته بدون ازن طلعت هيك كلو شي بشهي وباااااااااااااااااااارد
قلت لحال مابدي غير مي
لقيت فيجة وبقين ولقيت مي غريبة كاأنو اجنبيه من شركة نسلة
قلت من جربها بدي اروي عطشي رح موت اخدت انينتين صغار يعني بيكفوني على الأغلب
وركضت على السيارة واعدت
كنت متل يلي مسجون ورح يفكو اسره
فتحت اول أنينة مي وحطيتها على تمي وبلشت اشرب
لالالالالالالالالالالالال الالالالالالالالالالالالا لا
مو مي!!!
فكرت معي عمى الوان شعلت الضو ولله مي!!
فتحت الأنينة التانية كمان شرحوووووووووووو
لالالالالالالالالالالالال الالالالالالالالالالالالا لالا
مو مي
طلعت هيك هي صح من نسلة شعار نسلة عليها بس الباقي على الأغلب مكتوب بالتركي
الغشاش
معقول مي مطعمة خالصة مدتها
بس طعمتها طيبة مو سيئة يعني
رجعت لعندو قلت خلص لقيت حدا اتفشش فيه علما اني اتخورفت بسعرهم
دخلت وبلشت بهادل
مي مطعمة مو طيبة بصير هيك ....
وياجماعة الخير انخزيتلكم شو خزوة  قدام صاحبين المحل وشوية زباين
هادا مو طلع انتاج جديد من نسلة انو ماء حقيقي صالح للشرب بنكهات متعددة
فريز نعنع ليمون ..الخ
حتى المي صارت بنكهات sly: يلي طلعتلي نعنع وليمون
والأختراع صرلوا فترة نازل على السوق
صفنت هيك شو بدي قول عم يحتاروا كيف بدهم ينصبوا على ها الشعب المسكين يلي بحب الخورفة
باعتبار انو انينة النصف ليتر سعرها 45 ليرة
وهون دق عرق الخورفة عند شلة الشباب وكل واحد اخدلو انينة وبلش يكرعها
وانا مازلت عطششششششششششششششششانة
وصلت على البيت انا ماطلع بالأسانسير بخاف تنقطع الكهربا عليي من لما علقت السنة الماضية
لكن طلعت وغامرت لأني حسيت بدي موت قبل ما اشرب مي
فتحت البراد امي كالعادة معباية اناني مي فيجة
مسكت انينة وبلشت فيها
وعم فكر بقلبي شو ها الزمن يلي وصلناله
يمكن القصة كتييييييييييييير تافهة لكن مابعرف ليش دخلت غرفتي وبكييييت جدا من قلبي
مو كرمال قصة المي س كرمال ايام زمان الله يرحم بيت ستي والنافورة يلي كنا نشرب منها
بلا مي بنكهة بلا بطيخ
رز الله ايامك يا نافورة وكنا نرتوي وببلاش وعمرنا ما عرفناالعطش
تحياتي وعزرا للأطالة لكن مافي غيركم فشلكم قلبي
لا تـــحــــزن لأن الحزن يزعجك من الماضي
ويخوفك من المستقبل ويذهب عليك يومك
لا تحزن لان الحزن يقبض له القلب
ويعبس له الوجه وتنطفي منه الروح
ويتلاشى معه الأمل لان الحزن يسرُّ العدو
ويغيظ الصديق ويُشمت بك الحاسد
ويغيِّر عليك الحقائق
سعود الشريم
|