[..AHMAD]

اي لأنو شكلك مطنش او ناسي إحداهن







*إرجع للصفحة اللي قبلا يعدمني ياك

يعني لهون
/\
/\
/\

مـيـدو يمكن ما بعرفو منيح ما صار بيناتنا كتير احتكاك..بس واضح من ردوده انو انسان كتير حباب وشخصيته حلوة

شكلي وصلت

اي انو مروش ... ثانكيو فيري مطش كتير كتير يعني انو ازا انتي حبابة وشخصيتك حلوة وطيوبة ومدري شو كمان .... بتشوفي اللي مقابيلك متلك ...

سو .. يعني شهادتك فيني بفتخر فيها .... وما بتعرف شو الايام بتساوي ... بجوز اطرقها برنت سكرين ... وعلقها بغرفتي .... بحال ما قدرت اخد هالبكلوريا بتنفع قولك .. ما

ميدو انسان اول ما جذبني فيه لاتعرف عليه فنو .... بالبداية يعني متلو متل اي عضو باخوية ...يعني مرحبا صباحك ميدو كيفك يعني هيك عالماشي متلو متل اي حدا....بس كان لما بيصبح علي حس قديشو حساس وراقي واحلى شي في اني كنت بلحظات بحس فيها بالوحدة ما استفيق الا على رسالة خاصة منو بتقلي (كيفك )يعني صرت حس انو مميز بالنسبة الي بعض الشئ
ولما قريت موضوع الو بعنوان life storyكتير لفت نظري حسيت انو قريب بهواجسو الانسانية مني يعني بيشبهني وصرت تابع مواضيعو وهيك شي....وكل ما كان ينزل شي بالفن والرسم كان كتير يلفت نظري وكنت حب علق عليها لانو كنت حس بالرسمة ذاتها.....

على كلا اضفتو عندي وتعرفت عليه وحكيت معو وكتير حبيتو طلع شب اكابر وزوق كتير خفيف دم وحكياتو لا تمل وجد بعتبرو اخي الصغير بس مو صغير كتير هااااااااا....
هاد يللي عندي هلق وجد جد جد بحبك كتير يا احلى احمد بالدنيا ....

سراب ... متل ما تعودت عليكي .... دايما بتلطشيني حكي .... اكبر مني ..... وانا اصغر من اني رد عليه ... وبهالطريقة بتضمني اني ما ردلك

هلئ انو يعني مشان شغلة صباح الخير وهالحركشات اللي كنت بادرك فيها .... لا غنى عنها .... بس تأكدي ... لو مانك شخص مميز عند احمد ... ما كنتي تحركشتي .... ولا شلتك من ارضك كمان

بس طبعا انتي فرضتي حالك عاحمد ... وبطريقة حلوة كتير
وبالنسبة لموضوع الغلاظة وتقل الدم ... فهاد شي منو وفيه

بالاخير .. بحب قلك سروب .... بحبك كتير كتير كتير ... وغلاوتك بقلبي اكبر بكتير كتير كتير من ما تتصوري

ومية وردة

ميدو حباب كتير وبحس حالي كتير بعرفو.
ناطرو لاحكي معو أكتر.
غالي هالشب والو مكان بالقلب بس لو ياخود هالبكلوريا.
وبقلو جاييك انشالله مالي مطول.

ابو صطيف ... من اروع الشباب باخوية ... وما ببالغ وما حدا يزعل مني ازا قلت انو اغلى شب عندي بهالشلة كلها ( عماحكي شباب بس .... ما دخل الصبايا حصتكن بالحفظ والصون ) صحيح ما حكينا كتير ... بس انو سماهم في وجوههم .... صحي صطيف ... عسيرة البكلوريا بهديك غنية فيروز : يا قلبي لا تتعب قلبك
وبقلك انا كمان ناطرك عاحر من الجمر

بحبك صافو .. ومية وردة

ييييييييييييييييي طنت ادني قمت اجيت ركض ....
مين جايب سيرتي بالعاطل
اقتباس:
هلئ اول شي يعدمني المذكور ( سامان ) .... يعدمني اسمو شو فائس
ولا مقصوف الرقبة انت بتعرف شو صاير معي لحتى ما حكيتك مبارح ...
العمى شو ام بحتة ...
ميدو ....كتييير حباب وطيوب وبيضحك عليي بكلمتين كمان ....
بيضل بيأفل عليي وانا بصدق
صرلي حاكي معو شو 30 مكالمة عالتلفون وعالانترنت حاكي معو بلاوي وهو بالشام وانا بالشام ولهلأ ما شفتو لهالمعاق
يعني هو مزوق ومثقف ما اشبو شي ...يعني بينبلع مع قنينتين عرق بس
بيحب يتمسخر ويأفل عالعالم (يلي انا ما بطيقهن ) وانا بحسدو على هالموهبة
بس بدو يسافر هالدب وانا متمني تلتغى سفرتو خخخخخخخخخخخ
وفي شوية حكي بس بستحي احكيه هون

انو انت مافي داعي رد عليك .... مبارح ردحتلك ساعة كاملة عالتلفون ...... بيكفوك ..... بس يعني شي منو وفيه .... مبك شي مبدئياً .. بتنحب

كمان مافي كتير احتكاك بيني وبينو بس لح كون مبسوط اذا فيه


كونو صحفي جذبني وردردو كتير حلوين بتمنالك التوفيق من قلبي سواء سافرت او ما سافرت


مايسترو

مايسترو ... نشالله هالايام الجاية ... رح تحكنا .. لحتى يختفي واحد مننا

يعني انو ... مو صحفي صحفي انا ... بس شبه صحفي ... هلئ بغض النظر .... وانا بتمنالك التوفيق مان ....

وثانكيو عصراحتك

ميدو
من حزب اللي لاعنين ابو التخلف
بينحط عالجرح وحباب وطيوب وبيجنن ومخه كبير وبيفهم عليي
بس ايمتى بدنا ناكل فتة المقادم ؟

والله الشب عين الله عليه بس





يلتزم بمواعيده

اول شي ..... لا تكزب .
انا من حزب لاعنين رب التخلف ... ما دخل الاهل بهيك مواضيع .

يعني انو وانت ما بتقل عني طيبة وحبحبة ( ما دخل الحشيش بهالموضوع ) بس بالنسبة لكبر المخ بشك بهالشي ... لولا كم فصل ناقص ... بس يعني ما بينزكروا
عسيرة فتة المقادم .... بس لتشرف حضرتك من الدير يا بعدي منتدولق فتة زفت ... ولا حابب ناكلها وايرلس

اي انا كل العيون عليي طروق ... مو بس عين الله
التزم بمواعيدي؟؟؟؟ ليش ايمتى شلفتك انا

امممممممممممممممممممممممم ممممممممممم
وكمان امممممممممممممممممممممممم مم
ميدو ميدو
يلي بعرفو انو بروضة اخوية سوريا ومارح يطلع منها الا بحالتين اما ياخد البكلوريا او يطلع على جثتي(بعد ماموت طبعا) وغير هيك مافي
شب كتير كتير حبوب ورايق
ظريف وبيحب المزح
كنت كتير حابة شوفو بالشام اخر مرة كنت فيها هنيك بس ما مشي الحال
بتمنى اتعرف عليه عن قرب

ام اللول العظيمة ....

يلي بعرفو انا انو طالع من الروضة عاجلاً ام اجلاً ..... منشان البكلوريا قلنالك عمندرس .. اضطهدتينا اكتر . لزلك قررنا نقمعكن الطاقم الادرى .... ونعمل الثورة الاخوية الكبرى بس انو يعني هي سيرة الموت بلاها .. بعيد الشر عن قلبك ... نشالله ملاك ولا انتي

وشهادتك فيني معترفة دوليا ... يعني بقصد ... شهادتك عنجد عنجد وسام وبعلقو عصدري ..... ونشالله جاية الايام ومنشوف بعض كتير

ومية وردة لموش

قرأت له(الوطن)..فلامست كلماته جراحي..
وعرفت انه يجيد العزف بالكلمات..
ويبدع في تأطير افكاره..وعرضها..

ارجو ان التقي به اكثر في اخوية..

سابا ... وقرأت في عينيك وطناً ... كم حلمت بامتلاكه
وانتي بنت لزيزة كتير وافكارك بتعجبني بالمنتدى ..

رح نشوفك قريباً

اي لأنو شكلك مطنش او ناسي إحداهن







*إرجع للصفحة اللي قبلا يعدمني ياك

هي حطيناكي اول وحدة ... عيشي بهالنعم