[quote=zerocold hacker;1008698]خلص يا جماعة انا بحب خبركن اني تخانقت معو وختمت الموضوع
رحت لعندو وقت كان واقف بين رفقاتو وقلتلو
خير في شي ممكن افهم شو بدك قلي
انت بتعرفي شو بدي
قلتلو لاأ يا سيدي ما بعرف ممكن تقول
قلي انا بحبك!!!
قلتلو وانا مالي طايقتك ممكن تحل عني
قام قلي لهالدرجة قلتلو اي
قام قلي ليش انا شو عملتلك؟؟؟؟؟
قلتلو راجع حالك بتعرف!!!!
وما عاد ورجاني وشو
اذا بتتئبلي وجهة نظري ...؟؟
بئلك انو عنجد حرام الي عملتي
انت اذا بترجعي بتعيدي الردود الي اجت بتشوفي انو معظمون نصحك انو اذا ما بدك الشب حاولي انك تنطشي بس ما تجرحي هيك .....
يعني من حكيك انا فهمت انو اكتر شي زعجك في شو ؟؟؟ انو عنجد مهتم فيك ؟؟؟
"على شو يراجع حالو "
هو اكيد رح يتخطى الموقف ... وانت كمان لانو انتو التنين لسا ئدامكن كتير تجارب بالحياة
بس هالدجة الي دجتي ياها .... ما كانت ظريفة
يعني انا لو مكانك وسنحت الفرصة بيوم من الايام بعتذر منو
حطي حالك مكانو .... بتئبلي تنجرحي هيك ....
