[Nihal Atsiz]

كاتب النص الأصلي : sandra 82

موضوع حلو كتير
وعجبتني المكانة اللي كانت المرأة التركمانية حاصلة عليها
وعجبتني تقاليد الزواج انو العريس يقدم للعروس خاتمه الخاص وعي تقدم جاكيت احمر
بس انو كيف رح تلبس الخاتم ويحي على اصبعتها

هالتحية انا كنت شوفها اوقات عند الكبار بالعمر بحلب

بيبرس هالعادات اللي انت ذكرتها فوق لهلا محافظين عليها ؟؟؟
خصوصي متل عادات الزواج او مظاهر الفرح والحزن

وعندي سؤال تاني
لما كنت عم تحكي عن الزي التركماني عملت بحث بالغوغل عن اللباس التركماني
فطلعوا معي هالصور
http://www.alturkmani.com/alturkman/fulukloor.htm

هاد زي تركمان العراق هل هو نفس الزي الفلكلوري لتركمان سوريا ؟

و مية

مشكورة اخت ساندرا على مرورك القيم و بالنسبة لاستفساراتك:
اكيد هلئ هالعادات والتقاليد اختلفت كتير عنا نحن تركمان سوريا , ولكن ممكن انك تشوفيها في اسيا الوسطى و الاناضول حرفيا الى حد الان ,
اما نحن تركمان سوريا مثلا التحية اللي ذكرتها مازالت متداولة الى حد الان بين الكبار اما نحن الشباب فصارت تحيتنا هااااي و بنسواار!!
بالنسبة لعادات الزواج صارت هلئ على شكل حفلة صغيرة بين الاقارب فقط يعني بحطوا اغاني تركية ضايجة متل سبل جان و سردار اورتاج و بقوموا البنات برقصوا عليها.
ولكن الى حد الان مازال التركمان يحافظون على الزواج من امرأة واحدة فقط ومن النادر ايجاد تركماني متجوز تنتين , مشان اعدادنا شوي قليلة على عكس الاخوة العرب و الاكراد اللي بتجوزوا كتير.
وبالنسبة لأكلاتنا القومية مازلنا الى حد الان نطبخ التتماج و نشرب القمز ( في المناسبات يعني)

اما بالنسبة للباس التركماني فنحن لباسنا مختلف كليا عن لباس تركمان العراق ( تبعنا اكيد احلى)
يعني كونو اللباس التركماني كان يرتدى بشكل دائم قبل 40 -50 سنة وقت ما كنا نعمل مناسبات وحفلات بدون اي خوف أما هلئ و بما انو نحن ممنوعين من اقامة اي نشاط ثقافي في سوريا فاللباس صار فقط ضمن البيوت للفرجة بس و كنموذج عن لباسنا وجدت هذه الصورة لهذه الفتاة التركمانية وهي تشبه الى حد كبير لباسنا بنات تركمان سوريا قديما قبل خمسين سنة:

Image Hosting

وطبعا انا اتحدث عن تركمان منطقتي فقط و لا أعلم عن حال الاخوة التركمان في باقي المحافظات السورية
وشكرا للاخ حلبي على مروره