ما اعانيه الان
وهو مرابطة زوجي بيت اهلي يوميا حتى ساعات متاخره من الليل
واذا راى احد اخوتي خرج ...حرك السياره ولف كم لفه ورجع وعاد
حاول اكثر من مره مقابلتي .. وقوبل بالرفض واخيرا وافق ابي على ذلك رغم رفضي الشديد
ولكني اشترطت بحضور والدتي او والدته ..وتم اللقاء بيننا
في بداية الامر كان متماسك ..شامخ ..يكسر امواج غضبه بنبرات من الوداعه واللطف
وبدا الحديث بالاعتذار طبعا ....وانه قد ان الاوان لعودتي ..وسيقوم بتنفيذ كل شروطي
مهما كانت ..لزمت الصمت كعادتي ...؛
وبداء يستعرض اساليبه ...في جذبي اليه ...من حب وغرام وعشق ..وكلام معسول اول مره اسمعه
بس كان ماله طعم لانه مو من القلب ..مصطنع ...اخيرا نهضت ...وصممت على الخرووج
وقلت ...عطيتك اكثر من فرصه وصبرت ....ويش كانت نهايتها ... انك ذليتني
انا كرامتي وكبريائي فوق كل الموازين .. وان كنت متعشم بالطفل الي بيننا ..فابشر وحاضر لك الي تبيه
الا اني ارجع واعيش معك مره ثانيه ......في يوم من الايام .
وانهار الرجل ..وصار يبوس راسي ويعتذر ..قلت له ما ابي اشوف اب ابني ينكسر كبريائه وشموخه
علشان امراءه ولوكانت ام ابنه ...
و الي بيننا انكسر ومستحيل يتصلح ............فرجاء احفظ ماء وجهك ...
وخرجت من الغرفه
والله صعب على اشوفه مكسور وذليل ...وصعب اني افكر مجرد التفكير في الرجوع اليه
مو السبب معاملته فقط ......زوجي مريض نفسيا ..وكوني اكمل معه الحياه معناها معاناه وعذاب طول العمر
ويكون بعدها ابتعادي عنه ...سبب في موتي وانهاء حياتي وحياته
لان التقارير الطبيه واراء الاطباء تثبت انني اعاني من انهيار عصبي شديد اضافه الى اضرار جسديه
تدل على قوة تحملي ...واستسلامي لما الم بي
اتمنى ان تكون اخر احداث السيناريو مغايره لما توقعته
بصراحه ....عجبتني كلمه سيناريو ...والله الحياه مسلسل من الاحداث الا نهاية لها
ولكن من يجروء على عرضها في دور السينما...واستقبال النقد اللاذع من البشر
صعب انه يتحقق ...فكيف انه ينفذ
زواااج المسيااااار
في الثلاث الاشهر الاخيره
اعترف بانه يحبني .. يموت فيني
والي يسويه معي من صراخ وسب ولعن هو اعلان صريح لرفضي له معنى ومضمونا
تناقشنا في هذا الموضوع اكثر من مره واوضحت له باني لا ارفضه
ولكن سوء معاملته لي وعصبيته المزمنه وتمسكه برايه وانانيته المفرطه وحبه لذاته
هي من اهم الاسبااااب التي تدعوني للابتعاد عنه
وفتحت النار على اللقاءات الحميمه ومقتها بشده ..
وان الاساليب الي يستخدمها معي اكرهها واكرها ..واني ماحسيت بنفسي معه الى الان
ويتندم ويحلف ويقسم ويلتزم بذلك مدة ساعات معدوده ثم يعود لسابق عهده
بصراحه بعد حملي وما الم بي من الم وتعب ..ودخولي المستشفى اكثر من مره
طرحت عليه فكرة انا موافقه عليها موافقه ايجابيه
وقد طلبت منه هذا الطلب شخصيا وبكامل قواي العقليه
قلت له تزوج زواج مسيار .. لانني لا استطيع تحملك والاسلام حلل لك اربع
جن جنونه وصفعني على وجهي ..حيث دارت فيني الدنيا
قال الكلام ذا ما ابي اسمعه ..ماتزوجت مسيار وانتي منتي عندي اتزوج هالحين
عقب ما ربي انعم علي ...قلت انا مريضه وانت ماشاء الله عليك
امراه واحده لاتكفيك ..يبيلك ثنتين
صار يصارخ ويسب ويلعن .. رديت مايهمني الي تسويه فيني تضربني تقتلني
امامك خيارين يا ترحمني من الي تسويه فيني او تتزوج ..وانا اخطب لك بعد
سحبني مع شعري بكل قوه..وقال ...ليه ؟؟ انتي اكيد ماتحبني ... واكيد في شخص بحياتك
لزمت الصمت ..وبدات ارتجف من الخوف ..وقلت ابد والله بس انا ابي راحتك ..وتعبي وحملي
احس اني مقصره في حقوقك ..؛ طبعا ماعجبه كلامي وفز وخرج من البيت
وعقب ذا ك اليووم بدا يراقبني ويراقب جوالي ( مع العلم بان جوالي معه معظم الوقت )
يتصل على من ارقام غريبه ويغير صوته .. و يفتش حقيبتي ..بصفه مستمره
ولا يسمح لي بالخروح الا مع والدته فقط وللضروره القصوى ولا اخرج معها
الا في المناسبات خاصه
هذه الملاحظات لم اعهدها منه ولكن عقب فكرة زواج المسيار بدات تزداد
حتى طفح الكيل بي ..وفي احد الايام الممطره البارده
ادعى الخروح مع ربعه للبر وقال نبي نخيم يومين ثلاثه ...في البر
قلت .خلاص ارووح لاهلي ...قال لا تظلين في بيتك
وروحه للاهل ناقشنا هذا الموضوع من قبل وهو مرفوض تماما .
.ظليت اترجاه وابوس راسه خلني ارووح يمهم وحشتني امي والي يسلمك
اخيرا وافق على طلبي ...
وجهزت اغراضي واغراضه .واخذني لاهلي ..وطول الطريق وهو يوصي
لاتخرجين من بيت اهلك
وما تقفلين جوالك مهما كانت الاسباااب
قلت ابشر حاضر الي تبيه اسويه وبدا يهدد لو اعرف انك خرجتي لمكان خليتك عندهم ..واخر مابيني وبينك
نزلني عند اهلي ...واصر يدخل معي يسلم على امي .ودخل قابلته الوالده بفرحه ماشفتها بعيونها من شهور
ورحبت فيه ..وبدا يقول لامي التوصيات ..كانه يمن عليها بوجودي بينهم ..قالت له الوالد ه ابشري ...ومايكون خطرك الا عسل المهم .طلع
بدات امي تسالني ويش فيه زوجك ...قلت مدررري او ل مره يطلع من البيت وللبر لمدة يومين
حاسه والله انه في شي بيصير .... وماهي الاساعات ويرن جوالي رقم غريب ...ما رديت ..مره مرتين ثلاث ..عشره
وبدات تجيني رسائل غراميه بالهبل ..شكيت في الامر... من ذا الي منتظر عودتي لاهلي
منذا الي يموت فيني ويبي يشوفني في اسرع وقت قبل ما ارد لبيتي
انا طبعي ما ارد على ارقام غريبه نهائي ...ظللت الرسائل والاتصالات تصلني حتى في ساعات متاخره من الليل .
واخيرا...قفلت الجوال ...طبعا كانت ليله مافي احلى منها ظليت انا وامي حتى الفجر نسولف والله
كاني مسافره لامريكا وتوني ارد لهم ..كل شوي ابوسها واصيح ..... امي حست ان فيني شي
بس ما حاولت تسالني عنه ...؛؛؛؛؛؛؛؛ وكانت كل سواليفها عن البيبي
ويابعد قلبي والله شفت كل الاشياء الي اشترتها له من ملابس الداخليه والغيارات
صلينا الفجر وجهزت امي الفطور ....رد ابووي من صلاة الفجر علينا متغيره ملامحه شووي ..سالته امي ويش فيك ...مارد عليها ومع اصرار الوالده قال لها شفت سياره زوجها يم البيت بعد عودتي من الصلاه
معقوله ..انت متاكد ..الا متاكد هو ومتلطم بعد
خيم الصمت علينا جميعا ...وعلمت بان زوجي يراقب منزلنا ولا في مخياام ولا في بر
وتاكدت ان الرسائل والاتصلات كانت منه
وفي تمام الساعه العاشره صباحا ..اتصل على وقلى انا في السياره انتظرك
رديت بالسرعه ذي رديت من البر قال الجو مره برد وما قدرت اتاقلم مع الوضع
على ارض الواقع