بعد ليلة خيم عليها الخوف والذهول والتعب مما الم بي ....كنت كمن ضاع في متاهات الطريق
لا اعلم ماذا افعل ....ويش بيكون مصيري معه ...اقول لاهلي ..اسكت وانطم
واعرف اني استفزيته بتصرفي وشكواي لامي ... مهما تكون الاسباب
مستحيل يكون ذا تصرف سوي الي سواه ..انا اعيش مع منحرف او ارهابي
وبينما انا في ذهول مما اصابني ...واعاني من مغص في معدتي وغثيان
اذا به يخرج من غرفته ...خفت وارتعبت منه وخاصه كان يضم خصره بمنشفه فقط ..واتجه الي
وجلس بقربي ..وسالني ..ماتبين تنامين ...عرفت ويش يبي ..؟
مارديت ولا بكلمه ..ومسك جنبي الي ضربني فيه وصار يسوي لي مساج ويقول سامحيني
اعرف نفسي انا ...عصبي وتصرفت تصرف غبي معك..بس لاتلوميني
انا ما ابي افقدك ..وما ابي ادخل احد في مشاكلنا
والله صعقت يومن عرفت خالتي درت بالسالفه ..على طول اول مره تدخلين عليهم
تشتكين مني ...انتظري شهر شهرين ..وبعدين احكمي علي
ماصدقتي خبر ....وتشتكين ...والله فشلتيني امام امك ماعرفت ويش اقول
خليكِ هالحين مكاني وتلاقيني اشتكيك لاهلك من غير علمك ويش تسوين
ماتنتقمين مني ...او تسكتين ..ويصير الموضوع عادي عندك
ما رديت ...لزمت الهدوء
وبدا يضمني على صدره وانا ارتجف من الخوف ويش فيك ؟؟؟
خفتي مني ولا من السياره ..خلاص والله ما اسويها مره ثانيه ..
بس على شرط ماتزعليني ....وطبعا سحبني مثل الشاه الى المسلخ
وسوى كل الي يبيه ..وضرب بتنبيه الدكتوره عرض الحائط ..استسلمت له
لاني كنت فقط ابي اعرف نيته ..لو هو خايف على ويعزني كان ماقربني ..
بس لا والله ماهمه الانفسه وشهوته ...وعقب ما خلص مني ...
عطاني ظهره ونام ..عجز النوم يلامس عيوني ..وعجز ت انعم بالراحه
ونقمت عليه وعلى نفسي .
وقبل ما تشرق شمس الصباح لقيته يقترب مني ويبدا صباحه الجديد
بقبلات لاطعم لها ليفرغ شحنته الصباحيه في جسدي
تعودت على هذه الشحنات ..وانني اخذها بانتظام خمس مرات باليوم
مثل فروض الصلاه واحيانا اكثر من ذلك ..لم يكترث لاحساسي اوشعوري
وارتاح كثيرا ....لاستسلامي للامر وقبولي به ...وعدم الرفض
مو مهم ما اعانيه من الم و من مضاعفات
مرت الايام ثقيله على كاهلي ....وكنت معه جسد بلا روووح
لقد كان بخيلا في احساسه وحبه وحنانه وماله
اذا اخذني للعشاء لمطعم محترم ( معناه اخذ حق الله منك لين يطلع الفجر )
يقوم ويرد ويقوم ويرد حتى الصباح ...لم يسمع يوما صوتي ولم يسال
عن سبب سكوتي .. وصمتي الرهيب وكان هذا الذي يريده ويبحث عنه
لايخرج من البيت ابدا .....الاجازه كلها قضيناها بالسرير
زيارة اهلي تثيره وتقلقه ويبدا في السب واللعن ...على طبعا
ويسالني تبين تروحين تشتكين لهم ...؟هذا اخر شي تفكرين فيه اني اوديك لاهلك
يبونك هم الي يجون عندنا واكون انا موجود
امي تسال عني باستمرار ..وكنت اوهمها باني سعيده ومبسوطه ....
واخيرا انتهى شهر البصل وكانه حمل سنه كبيسه على قلبي
وبدا الرفض النفسي والجسدي لهذه العلاقه ...فبدات اتعب منها واستفرغ حال انتهائه منها
واحيانا كثيره عند بدايتها ...اخذني لزيارة الطبيبه ومعرفه الاسباب التي تورق صفوه لقاءاته الحميمه
وكانت الصاعقه عليه ....اني حامل
بينما كانت اسعد لحظات حياتي هي سماع هذا الخبر ..مع كل لحظات الحزن والعذاب التي مررت بها ولكن
نباء حملي عطاني الامل في تغير زوجي ....؟
ولكني افاجئ بالسب واللعن على سوء فهمي وادراكي وعدم تناولي حبوب منع الحمل لينعم زوجي بزواج سعيد
اصبح طفلنا ضيف ثقيل الدم على ابوه يمقته في كل وقت يحاول فيه افراغ شحناته
شكوت امري ...لاقرب مخلوقه احبها قلبي بعد امي ..وهي والدته فقد كانت البلسم الشافي لمعظم معاناتي
هذا القلب الحنون هي من اعانتني على البقاء الى جانب ابنها طوال اشهر حملي
احتضنتي بحبها وحنانها ... واصبحت منبع السعاده والسرور لها ..وكذلك عمي بدا يتدخل في الامر بشكل جدي وصار يصب غضبه وسخطه على ابنه عند سماع صوته وهو يسبني امامه
وعلمت من خالتي بان زوجي خطب ثلاث مرات وتم رفضه ..واملك مره وطلق زوجته
وهو لم يدخل بها فقد طلبت الطلاااق منه عقب شهرين من الملكه ...ولكن هذه المعلومات لاتعني لي شي
فما اعانيه لازال مستمرا ...والرغبه جسديه بحته ......
الضرر موجود والاحساس مفقود والقلب تعب من كثر الوعود
محبتكم صمممممممممممممممممممممممم ممممممممت
وللحديث بقيه
يوم جميل
يوم جديد تشرق عليه الشمس ...لاكنه مميز ومختلف عن باقي الايام التي عشتها بمرها وحلوها معه
انه اليوم الاول لدوام زوجي بعد شهر من الكسل والخمول (شهر عسل)
كم انتظرت هذا اليوم ..ومن الاسبوع الاول من زواجنا
لم انم ليلته ..ولم يهنا لي بال حتى ارى زوجي يخرج من البيت
جهزت الفطور ...واعطيته مايريده واغدقت في ذلك ..
سُر زوجي ولعله يفاجا من التغير الذي ظهر واضحا علي ..ولكنه تجرعه بكل طيبة خاطر
وخرج من المنزل وانا اعانقه ولاول مره عند خروجه .دعوت له وودعته
ودوامه يبدا من 8الي 4 حلو
طبعا .. قفل الباب على كعادته
ودي اقول لكم شي عني ( انا فتاه احب جلست البيت ..وبيتي هو جنتي (بيتوتيه) ما احب الخروج
اكره الاسواق وما اروحها الاعند الضروره ..احب الملاهي واموت فيها وكنت قبل الزواج لازم اروح اسبوعيا
انا وزميلاتي ..ارحب بزيارة قريباتي لي ..وما احب اروح لاحد ..لاني ما تعودت على ذلك ..واهلي يمنعوني من زيارة زميلاتي حتى قريباتي لازم امي تكون معي (معقده )
رحت الصاله وفكيت التلفزيون ...جهزت لي فطور معتبر وفطرت وروقت .
سويت سواته حطيت رجل على رجل ومع الموف كنترول اقلب في القنوات ..... اقلد حركاته وتصرفاته واضحك على نفسي ...ومع كوؤس المراره التي عشتها ولاكن البسمه ردت الي وارتوت عروقي
حين بدات افضفض عن نفسي ...كنت اضحك ثم ارد اصيح .....استمريت على ذا الوضع قرابة الساعتين
وبدا يوم النظافه العالمي
.لاتظنون اني ماكنت انظف والله انظف بس هو مايخليني اروح لايمين ولا شمال
كابس على انفاسي .واذا قلت ابي انظف قل مو وقته خليك جنبي
بدات في غرفة نومي ثم الصالات والمطبخ . وبخرت الشقه واخيرا قررت اخذ حمام مغربي
ماعمري سويته الاقبل الزواج بيوم وعجبني ...قلت اجرب اسويه فكيت البخار في الحمام وجهزت روحي ..وسويته
وطولت في الحمام وانتعشت .خرجت من الحمام مستويه مثل الطماط..ودايخه ...
دخلت غرفة نومي ..ومقدر افتح عيوني ..وتوني اقف امام المرأه ابي انشف شعري
ما شفت الا رجل متلطم يقف وراى....صحت باعلى صوووووووووووووووووووووووو ووتي
وطحت ..ومادريت بنفسي ...الا هو يحملني على السرير...وخالتي معه صحت وصحت وصحت من الروعه
واخذت خالتي تسمي علي وتسال ويش الي صار ...قال لها بالسالفه ..وصاحت عليه
ياولدي انت تبي تجننها ..........حرام عليك اتق الله فيها ذي زوجتك وام ولدك
في انسان عاقل يسوي سواتك .. يروع زوجته ..
والله لايحرمني منها سوت لي عصير وجلست معي
لين تطمنت علي .وخرجت ..بدا يتاسف على الي سواه
بصراحه انا سويت منها حكايه .. ابيه يعترف بخطاءه الي سواه
وكل شوي اصيح وهو يراضي فيني ..
وبيني وبينكم اول مره يسويها انه يراضي بصورة مستمره ..ويضمني على صدره كل ماصحت (عجبتني )
وطبعا انتهينا مثل ماابتدينا
وقال انا استاذنت من العمل ...ومددت اجازتي لاني ماقدرت ابتعد عنك ...رديت اصيح مره ثانيه واولول يعني ويش معناها تترك العمل وتجلس مقابلني ...والله لاموت ناقصه عمرررررررررررررررررر
انا انتظر ذا اليوم بفارغ الصبر واقول ممكن تتعدل الاحوال
واحن عليه ويحن علي ويرتاح جسمي من طلباتك المستمره ...واتهنئ بحريتي ولو ساعات
لكن يافرحه ماتمت ...ومدد اجازته اسبوعين