انهرت من كثر الصياح وامي تهون علي ...صلى على النبي
واخيرا قالت قومي توضي وصلي ركعتين هالحين ....والحمد عقب ماصليت ارتحت اكثر
حسيت من امي ونظراتها لي كانها عارف الي حصل ...وقالت يمى انا حاسه فيك وعرفت طبع زوجك
من اول ليله شفته ..وصارت تحن وتون علي كل البنات مثلك منت اول بنت هم الرجال كذا
شوفي ابوكي عقب ذا السنين ولازلنا نتهاوش ...يمى هذا هي الحياه والزوجه الصالحه هي الي تصبر
اصبري ...وبيعوضك الله خير
قلت ..لها مقدر اتحمله ..خلاص مليت منه ومن تصرفاته كاني حشره عنده
الكلمه الحلوه ما اسمعها حتى اسمي ماسمعته كل شوي ما اسمع الا كلمة (يابنت النااس )
اوامر وتعصب وحنه وزنه طول اليوم ..يمى زوجي يغتصبني ....الي يبيه ياخذه بالطيب او بالغصيب
دخل علينا الوالد سكت .. وسلمت عليه ....وين زوجك وانا ابوك ...قلت مدري بالبيت على ماعتقد
قال اتصلي عليه وخله يجي للعشاء .. رديت ...بس هو مايتعشى
قال عطني جواله انا الي ابي اتصل عليه واعزمه ..هو واهله .. قلت..ليه
افا وانا ابوك اول مره تدخلين بيتك بعد زواجك وتبينها تصير عاديه لا والله ...
جهزوا القهوه ....وانشغلت امي عني ... وصرت الحق وراها ..وهي كل ماشافتني تقول تعوذي من الشيطان
وشيلي الوسواس من راسك .. وتمت المناسبه وجوا اهله كلهم
اخيرا بعد ما تاكدت من مغادرة كل المعازيم من الرجال والنساء عقب العشاء ..
اصريت على فتح الموضوع مره ثانيه مع الوالده .....
وصارت امي تهدي فيني .....يمه ذي اشيااء عاديه بكره تتعودين عليها وتسولفي لبناتك عنها
يمه .....انا تعبانه ...تعبانه ...تعبانه
وذا رقم الدكتوره كلميها هالحين واعرفي ويش تبي تقلك ...ليه ماترحميني (الدكتوره رحمتني وسالتني عنك
تقول وين امك عنك )..كانت تظن انك ميته يمه
كلميها ..وشوفي ويش تقول ...اتصلت على الدكتوره وسلمت عليها وقلت الوالده معي
كلمتها امي .......بعد المكالمه تغيرت ملامح وجه امي وبان عليها الزعل
قالت خلاص انا اكلمه هالحين .. ...راحت امي لصاله وسلمت عليه
وفتحت معه الموضوع ..وبدات تسايره بالكلام ...وتنصحه وتوصيه علي ( انا كنت خلف الباب اسمعهم )
تغيرت ملامحه لاكنه حفظ هدوءه وابتسامته البارده ...ووعد امي خير وسلم على راسها
ونادت على امي ودخلت عليهم وقام وسلم على وقال ذي زوجتي ومستحيل استغني عنها
وطلباتها اوامر ياخاله ..واستاذن ...وخرجنا من عند اهلي
وبدات العاصفه الهوجاء في فلمها المرعب الاول
مارحنا على البيت خذني على خط المطار ومسرع سرعه جنونيه ...ويسب ويلعن ويسخط
ماخلى ولا كلمه الي ماقالها ..وتطور الامر اخذا يضربني بيده ..انهرت وصحت وصحت
وكل شوي يقول تاسفي على الي سويته ...تاسفي ...؛وانك ماتعــــودينها ..
واسرارنا ماتقوليها لا لامك ولا لابوك وقلتها من كل قلبي اسفه ...اسف بس نرد البيت
وخذينا خط المطار ثلاث مرات رايحين جاين ويلف ويفحط بالسياره ...انا ظنيت انها نهايتنا
واخيرا ....هدا وردينا للبيت ..عجزت امشي من الخوف
دخلنا البيت ...وانا في حالة رعب وذهول ذا اكيد مجنون ..او فيه شي
قفل باب الشقه .. واخذ جوالي مني ..ودخل غرفته وقفل على روحه ..
انا تعبت و قلبت على معدتي وظليت طول الليل وانا استفرغ ...
والله ماني مصدقه انا في حلم او في علم ..وعرفت اني فعلا كنت ادلع في الي سويته قبل ذي الليله
وبدات تنكشف اشياء مستحيل ينسكت عليها ..بس خوفي منه... خوفي منه ...خوفي منه
وعدم انصاف اهلي لي .؛
خلاني انطم واسكت وارضى بنصيبي
محبتكم .............صمممممممممممممت
__________________