[عاشق بنتو]

مرحبا الكن كلتكن
وانا موعرف اتشكركن...بس المهم شكرا للحفاوة في الترحيب
العضو وسيم....شكرا الك ولترحيبك والله حيو......لك خيو
لوليتا ...100اهلا فيكي ....واشكركي على استلطافكي للاسم ....والاسم الو قصة....شكرا الكي
حلبي....الله يساوا ودوس دوس ومكحول العين واللي يعادينا الله عليه
سوريانا....وبما انك سألت بنت مين ....فانا رح احكي قصة اسمي....شان تتوضح للكل.....ولو كان الكلام بلغة اهل الجزيرة....اتمنى ما يكون في اشكال.....
انا كنت خاطب قريبة الي ....ومضى على خطبتنا يعني شي....6اشهر...وكنتو احبا كتير وادللا...وكانت اصغر مني ب8سنين....وكنتو لما احكي معا اقوللا يابنتي ...ويا بنتي...ومن الصغر كنا نحب بعض.....وصدف يوم كانت تتسافر لعند جدا بالسويد....وقدمت عالاوراق في السفارة عن طريق النت واجت الموافقة....ولما كانت تتروح عالعاصمة دمشق كان لازم اروح معا قام خالا رفض لان كان عندي عمل ولان هو بدو يطلع بسيارتو...وشان لا التكع ....والله طلعو الصبح وبنص الطريق سووا حادث وعطوكن عمرن ...وهاي الحكي بعد رمضان اللي مضي....وبقيتو وحيد بدون بنتي...اللي كنتو ادللا ....وانا كنتو مشرف في منتدى اسمو منتدى حمامة...قسم معتقدات الشعوب تحت اسم رماد القلب....فتركتو الدنيى كلتا وبقيتو فترة مواحكي مع احد ولا اي شي....ولولا مواساة الاهل والاصدقاء ومشرفيز منتدى حمامة ما كان فكرتو ورجعتو للحياة الطبيعية ....وربطو هالاسم معي ديما شان لا انسى خطيبتي......
وهاي قصة اسمي......ومشكور عالترحيب
ميدو .....شكرا لترحيبك و100هلا بيك
هدوء البحر...100هلا فيك واسمك بيخوف لان البحر لما يكون هادي ...الله يجيرنا من عنفو....وما بعد الهدوء....الا............................ ......برافو عليك هاي هي
وشكرا لكل من رحب فيني ومارحب....واهلا فيكن
مع فائق احترامي ودمتم
عاشق بنتو