اقتباس:
أستاذ جابي أولا اليتيم اذا كان منيح بحياتو الله وعدو بالجنة
تانيا المختل عقليا نهاتو بالجنة يللي انت مارح تشم ريحتها اذا بضلك هيك
|
لا تقوليها هلق نص البشرية بتتمنى تكون مختلة عقلية على هال حالة كمان مافي عدل باتعبار المختل عقليا عبياخد غرين كارد للجنة بينما الانسان مضطر يتعذب بكل حياته .
وشو اليتيم مابيطلع له كام تنازل او بعض الافضليات على بقية البشر خصوصا انه التعن سلافه وهوي عايش بلا معيل وعنده نقص كتير كبير بحياته ؟!
اقتباس:
فياريت ما تشتغل محامي دفاع عنهن وفكر بحالك قبل غيرك
وبظن لما يجي عزرائيل لعندك رح تعرف شو قصدي
|
وبظن ما تشتغلي محامي دفاع عن عزرائيل لأني بعرف شو قصدك فلا تتفتئي على سماي كل الحكي هاد ماله طعمة ورجاء التزمي بالموضوع انا عبعرف نماذج ما عبدافع عن حدا .
اقتباس:
|
والظاهر انك مارح تتعظ ورح تخلي الشيطان مسيطر على عقلك وهي هي قمة تخريب العقول
|
ما بعرف شو بدي اكتب لك
اذا واحد شغل عقله ورفض الاساطير والأوهام اللي بديت بشكل نار وحجرة وتحولت لشي يدعى الله بصير من اتباع الشيطان ؟! فعلا منطقك كتير جميل بالتعامل وتحكيم الامور وهي وردة لسعة الأفق
اقتباس:
كاتب النص الأصلي : zerocold hacker
لأنك وانت على فراش الموت رح تقول انا تبت حيث لا ينفع الندم
|
وليش حتى ما ينفع الندم خيتو بعدين مين انت حتى تفلكي لي شو بده يصير معي على فراش الموت ومين انت حتى تقرري بدل الله اذا كان بده يقبل توبتي " او وجدت " بلحظتها
لا تكوني سعدو ومالي خبر
