السلام عليكم
انا حابة استفسر على موضوع من باب الفضول فقط لا غير و من فضلكم ما تقولوا اني اؤمن بالتطيرات.
لبارح رحت لعرس و لما كانت المرا ام العروس تستقبل فينا يعني عند الباب نتع صالة الافراح سقطت مراية من الحقيبة نتاعي انفتحت المراية و اتكسرت لكن الفتات ما سقط فالارض انا اتخلعت و بسرعة حملتها و رجعتها فالحقيبة و خبيتها.
انا نسمع الناس يقولوا انو مو فال مليح لما الواحد يشوف نفسه في مراية مكسرة لكن انا الحمد لله ما شفت روحي فيها.
اتمنى ان شاء الله تفهموني و تقولولي في المنطقة نتاعكم و ش معنتها لما الواحد تصير معاه هاد الحادثة
.
شكرا و بارك الله فيكم