الاتصالات تعفي المتصلين على الرغم 160 من فواتيرها
 

ريمون جرجي: ( كلنا شركاء ) 10/5/2008
اتصل من رقم هاتفك على الرقم 160 (011) واضغط الرقم 1 ومن ثم رقم 2 وسيتم إعفاؤك من قيمة فواتيرك الهاتفية المتراكمة أو من قيمة المكالمات التي تكلمت بها، لغاية تاريخ إجراء الاتصال.
هذه هي فحوى الإشاعة التي سرت بين الناس الذين باتوا يصدقون نسمة الهواء المجانية في هذه الظروف اللا انسانية للغلاء.
وقد تناقلت الأسر والزوجات وتواردت الاتصالات من كل حدب تقدم النصيحة بالقيام بالاتصال لإلغاء قيمة الاتصالات المسجلة، والذي يؤكد صحة الخبر أن المشغولية الدائمة للرقم المذكور تدفع الناس لتصديق الإشاعة ( فحتماً كل السوريين سيتصلون لإلغاء فواتيرهم).
ولدى محاولتنا الاتصال بالرقم 160 بدمشق، أجاب المجيب الآلي بصوت أنثوي:
أهلا بكم في خدمة الاستعلام الصوتي عن الرصيد في المؤسسة العامة للاتصالات.
للغة العربية اضغط على الرقم 1، for English press 2
للاستعلام عن فاتورة الهاتف المتصل منه
إن قيمة فاتورتك الإجمالية هي صفر، شكراً لاتصالكم
وهكذا فإن المتصل يدرك بأن فاتورته تم الغاؤها/ العفو عنها/ خصمها/، وهذا ما يدفع الناس تكرار الاتصال من الأرقام الأخرى، فتربح مؤسسة الاتصالات المزيد من قيم الاتصالات كما تفعل حالياً القنوات الفضائية ( أرسل رسالتين فارغتين....)
لدى الاتصال بأحد مسؤولي الهاتف، أفاد بأنه تلقى أكثر من 500 اتصال خلال 24 ساعة تسأله عن هذا الموضوع، وهو كله إشاعة ليست صحيحة أبداً.



ريمون جرجي: ( كلنا شركاء ) 10/5/2008
طبعا الموضوع ملطوش بس حبيت تتطلعو على الخبر بما انو الموقع محجوب :D
وشكرا

يا شباب الي جرب هالشغلة يقلنا اذا صحي اشاعة ولا حقيقة لأن الفواتير الي عليي بتهد الحيل .. فرجاءا خبرونا

انا ما اني موظف بشركة الاتصالات

اول الشي : لو كانت هل شغلة صحيحة مستحيل تقدر نتدقع فاتورة من غير محاظفة لمحافظة تانية
لان فوترة الاتصالات ضمن المحافظة فقط

تاني شي : لو كان هل اشاعة صحيحة كانة انزاعت بشكل رسمي مو بس بين الناس وحتى نحن الموظفين ما حدا بلغنا

تالت شي : لما بيتصل المشترك وبيطلعو قيمة الفاتورة 0 لان الفوترة غير مربوطة بين المحافظات
وعدم وجود الرقم يعطي 0

تالت شي : وهو الاهم اني رسم الدقيقة على 011160 هو 25 ليرة بالدقيقة :o

وشكرا للأتصالكم

اشاعة

وزارة الاتصالات طالعت خبرية تنفيها و نشروها بسيريانيوز

و هاد الرابط:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

العمى
ما سمعت فيا كنت صفرت فاتورتي:shock:
بس الحمد لله اشاعة
بس بجد في حدا بيصدق هيك شي؟؟
بيصدقو انو مؤسسة الاتصالات موسسة خيرية يعني؟
غريب

هلأ انو اشاعة كل العالم متأكدة انو اشاعة بس المشكلة انو لما بتتصل بالعادة وما بتكون نازلة الفاتورة بيقلك المجيب الآلي انو لسا الفاتورة الجديدة ما نزلت او بيحطلك قيمة آخر فاتورة بعدين بحياتك شفت غلط بيعلنو عنو بشكل رسمي وخاصة بالدوائر الرسمية ... يعني اكيد رح ينفو هالشي مشان ما تتفاقم الازمة عندهن ...

اقتباس:

عند سؤال مدير عام مؤسسة الاتصالات ناظم بحصاص نفا الأمر جملة وتفصيلا قبل أن يتبين أنه خطأ في النظام واختلفت الشائعة باختلاف المناطق حيث تردد في بعض المناطق أن الإعفاء هو فقط في يوم 6 أيار بمناسبة عيد الشهداء, فيما ذهبت في أماكن أخرى إلى أن الإعفاء ممتد إلى ثلاثة أيام من تاريخ 6 أيار

مقتبس من سيريانيوز

شايفين الشعب اديش طفران حتى كل هاد الاشاعة انتشرت

العالم مو بس طفرانين العالم عم يتعلقوا بحبال الهوا أنو بلكي يعني بحصة بتسند جرة
خليها لالله يعني بالقلب تجرح ولا برا وتفضح هيك عم يقولوا الناس هالأيام ... والكل يعني الكل
ناطر رحمتوا ليش مو شايف بيوت العبادة مليانة ناس هالايام .. لأنها ارخص من غير اماكن الله وكيلكن

اي لكن مفكرين يعني بدون يسامحونا هيك لل الله
مافيون شي بيعرف الله
خلونا ساكتين