|
وطن
كل من له وطنه
لكن يختلف بيننا مفهوم الوطن.. فمنا من يعتبره مسقط رأسه ومنا من يعتبره مكان عيشه ومنا من يكون الوطن بالنسبة له حضن دافئ أو حتى قلب يسكن فيه .... فماهو الوطن بالنسبة لك وهل انت تعيش في وطنك او انت في الغربة حسب مفهومك للوطن |
انا محتارة ومو ملاقية مفهوم الوطن بالنسبة الي ياتري شو هو الوطن بالنسبة الي هل هو مجرد تراب ام هو ذكريات وطفولة أم هو....................
|
يا ريت لو بقدر اعرف كيف بيكون احساسي مع هلمفهوم...
الوطن بالنسبة الي... شيْ محسوس ومن يوم ما خلقت عم احلم يكون ملموس... وهيئتي راح ضل احلم واحلم واحلم.... اشكرك لطرحك الموضوع:D |
وطني عبارة عن خليط من امي وتراب وخمر منتهية صلاحيته يلبس رداء وهمي كتب عليه ( حرية )
:D |
لكل العالم في أوطان بيعيشوا فيها ونحنا عنا وطن عايش فينا ..يمكن هاي هي أسمى الدرجات اللي ممكن يوصلها احساس البنآدم بالوطن !
يمكن نحنا الشعب الوحيد (عم احكي تحديدا عن الجيل الجديد) اللي عايش الوطن بذكريات وأحداث هو ما عاشها لكنها عايشة فيه وساكنة جواتو وبحسها متل ما أجدادو بحسّوها... الوطن بقلبي..وبدمي..الوطن رح يضل ونحنا رح نموت :hart: |
وطني هو يلي عشت فيه و ولدت فيه
انا بتعبر حالي فعلا بالغربة |
تسئالين عن تعريف الوطن؟
ام عن حب الوطن ؟ تعريف الوطن هوالمكان الذي تشعرين فية بأمان كمال مهما اختلفت نوعيتة قد يكون سريرك أو غرفتك أو بيتك أو حارتك أو بلدك أو بين يدي ابيكي قد يكون حضن حبيك او حنان امك مهما اختلف هو المكان الذي تشعرين فيه بأمان كامل اما حب الوطن فهو حب الاهي يسموعن جميع انوع الحب حب تقدري ان تلمسيه بيديك وتشعري به بوجنتيكي هو حب مجسم يملئ قلبك طمئنية حتى لو كنتي في ساحة حرب تقبلي مروري :D |
عيناه كانت وطني..
واليوم صرت مغتربة.. مرسيه على هذا الموضوع الرقيق..:D |
تعريف الوطن هوالمكان الذي تشعرين فية بأمان كمال مهما اختلفت نوعيتة قد يكون سريرك أو غرفتك أو بيتك أو حارتك أو بلدك أو بين يدي ابيكي قد يكون حضن حبيك او حنان امك مهما اختلف هو المكان الذي تشعرين فيه بأمان كامل اما حب الوطن فهو حب الاهي يسموعن جميع انوع الحب حب تقدري ان تلمسيه بيديك وتشعري به بوجنتيكي هو حب مجسم يملئ قلبك طمئنية حتى لو كنتي في ساحة حرب اي انا بالحب الطبيعي فاشلة بدك ياني احب حب الاهي :oops: شكرا على مرورك |
هلا سبا
شكرا على مرورك |
لا وطن لي ولا اريد ان انتمي لاي بلد الارض كلها وطني
|
صعب كتير .. انك توصفي الوطن .. بكم كلمة ..
بس لو بدي اكتب واحكي .. لح قول انو وطني .. عبارة عن .. وطني ما عاد وطن .. لولاده .. ما عاد هالبيت اللي بضب ولاد وطنو .. لا .. صار وطني .. محدد ومعين لمجموعة معينة من الاشخاص .. الهم الحق انو يتمتعو بالوطن .. والباقي .. ببساطة .. شمعة عم تحترق للاسف .. شعور ببكي .. بس هي الواقع الموجود .. :D |
اقتباس:
|
اقتباس:
ازا هنن طلعو برا .. لانو ما عاد الهم شي .. جوا .. حيحترقو مشانو ؟ لانو وطنهم .. اللي مفروض يكون الهم .. صار وطن .. لشلة معينة .. والباقي ما مشكلة الله لا يردن .. لا لح يحترقو .. كرمال حالن .. وكرمال يحافظو عكرامتن .. ويعيشو ما اكتر . |
لك روق شبااك:shock: ليش عصبتي علي
اصلا الحق عليهن اللي تنازلو عن وطنهم لهلشلة المعينة الوطن اغلا من مجرد كلمة الوطن ما بيكون وطن الا اذا قدرت تضحي مشانو لو بحياتك واللي بدو وطن لازم يقول لاء لكل اللي بحولو يسلبو وطنو منو |
الوطن شي مالو حدود ..شي بيعيش فينا قبل مانحنا نعيش فيه وبنحمل مع شنتة السفر لاي وجهه رايحيلها وبعد فترة الارض الجديدة بتصير وطن جديد...وين مابيلاقي الانسان ناس بتحب وعلي قدر الارواح الي بيسكنها فهونيك راح يملك الانسان وطن بمساحة قلووب :D
|
اقتباس:
ان فشلكي بالحب هو دليل على انك لم تحبي يوما" والحب الاهي هو اسمى حالات الحب ومن يقدر ان يصل الى هذه الحالة من الحب يكون ملك السعادة المطلقة بين يديه تقبلي مروري :D |
انا بحس تعريفي للوطن حلو كتير ..
اول شي الوطن انك تشق جواز السفر لإنو بلا معنى ... ما في حدا يفرض عليني وطن انا ما بدي اياه .. الوطن هو المكان اللي بتحس انو انتماءك كله بينصب عليه ... الوطن هو لما قرات الموضوع تبعك واسمه كتير حلو وطن .... شو اول وطن خطر ببالي ؟ ســـوريــــــــا وبكل فخر تحياتي الحارة ظل جيفارا |
| الساعة بإيدك هلق يا سيدي 10:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
