|
حوار بين عائلة أردنية
حوار عادي بين افراد عائله أردنيـة
الأب مخاطب الابن : تعال وله الابن و بكل براءة : نعم الأب :نعامة ترفصك ... تعال وله الابن : ليش شو سويت؟ الأب : سواك ضريب يخلع رقبتك الابن : شو فيه؟ الام : شاوي يشوي عضمك ....رد على ابوك بأدب وله الابن : هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم :يحضروا على قبرك انشالله ... لما ابوك يحكي انت بتخرس الابن :أخرس؟ الأب : ايوه ان شالله خرسه الابن: ماشي الأم: اجاك مشش بركبك ما تقوم منه انشالله الابن :مشش ؟؟؟ شو هاذا المشش؟؟ الأب: اما انك قليل حيا ..وبترد على امك كمان ؟ هات العصاي وتعال وله الابن: انا رديت على امي؟ يمّـه احكي كلمه الأم: موا يمزع نيـعـك وله ....حكيتلك اخرس الابن الان اصبح مغلوب على امره ومش فاهم ايش الموضوع وصمت الأب أما جيل قليل حيا...احكي وله ... مال ك انخرست الابن : شو احكي؟ اذا حكيت بتقولوا عني قليل حيا وبتشوفوني غلط الام :حيه الي تقرصك انشالله ... قلتلك تأدب وانت بتحكي مع ابوك الأب : ايش 'بتشوفوني غلط' هاي ... شايفنا عميان ولا حول ؟ الابن : لا اله الا الله الأم : الله يوخذك انشالله .... يا ريتني خلفت ابن الجيران ولا انت الأب: انا مش عارف هاذا الولد متى بده يصير زلمه...دايما فاظحني بين الرجال الابن: طيب شو اعمل عشان تشوفني زلمه ؟ الأب: قلتلك اخرس وله الابن: يا الله ... يا الله .... يا جماعه شو مالكوا ... شو فيه ؟ الأم: اه صحيح انت ليش ناديت عالولد يا زلمه ؟ الأب :بتصدقي يا مره اني نسيت.... نساني شو كنت بدي منه هالكلب الاب : خلص روح ارجع على غرفتك يابا. |
ههههههههه قريتا قبل هالمرة عقدوه للولد يا حرام
|
اذا كانت نكتة فأنا فرطت من الضحك
واذا كانت تمثيل واقع فأنا فرطت حسرة على هيك تعامل وهي حوار دائر في كل العائلات المسخمة :lol: بس الاب كان متعاطف مع الام أكتير |
ههههههههههههههههههههههههه ههههههههههههههههههههههههه هه يا نيالو على ابوه شو حنون وعطوف عليه مدلعو كتير.:p
|
شو هل الرواء هاد ؟؟؟؟
يأخي رررررررررررررررواء  |
:lol::lol::lol::p:lol::lol::lol: حلووووووووة. الأردن بلد الرواق كلو على بعضو. وكل الشعب مروء ومبسوط مدري ليش على طول هيك (:x). :o |
:cry::?:shock:
|
ظريفة بس والله الأردنية نحنا ظالمنيهن
|
| الساعة بإيدك هلق يا سيدي 00:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون