|
محاولة نصب
هاد يا جماعة الخير وانا عم احكي على تلفون اجاني رقم من مصر طنشت لانو كان معي تلفون
وبس خلصت ارجعت اتصلت بالرقم الو الو عفوا مين معي حضرتك اتصلت على الموبايل ابل شوي انت شو رقم حضرتك خبرتو مبروك الكمبيوتر اختار رقم حضرتك لتربح جائزة بسفر على مصر لمدة 20 يوم يجميع الاماكن السياحية بمصر شاملة التكاليف ولست اشخاص مع تذكرة الطيران والجائزة مقدمة من فودافون شركة اتصالات بمصر وهي الشركة بدها تفتح خطوط جديدة بالامارات يعني بدها تصير تلت شركات انا ولا مرة اسمعت بهاد الخبر ومستحيل يصير لانو شركة دو لو مالها لشيخ محمد بن راشد ماكنت فتحت بئا مستحيل يخيلو شركة تانية تنافسون المهم اخد اسمي بالكامل وائلي اذا حضرتك مشغول وماعندك وئت للسفر ممكن تكون فيمة الجائزة مادية :clap: انا فرحت التلو شو هي القيمة المادية ال 65000 دولاررررررررر :shock: :shock: انا انصدمت ولي شوبدي اعمل فيون سألتو انت عم تمزح ولا شو ال لا انا بكلمك من شركة فودا فون بس حضرت اتصل بالرقم هاد وعطيهم التفاصيل وخلال نص ساعة بيكون المبلغ كامل عندك خمسو ستين الف دولار لعمى انا ما صدئت حالي يا جماعة اتصلت بهاد الرقم وطلع واحد اسمو طاهر ال هو من خارجية المصرية وبدون ما طول عليكم خبرني من الشروط لأستلام المبلغ انو احضر حفل الافتتاح بدبي ديرة بفندق ماريوت منشان يعملوا معي مقابلة منشان التصوير (هون صرت اتخيل حالي انو كل عالم بدها تشوفني) وفي شغلة انو لازم ادفع تأمين 1350 دولار انا استغربت ليش التأمين ال منشان اذا ما حضرت الحفل بتروح عليك الف دولار طيب شلون بدك تاخد التامين ال بتحولهم عن طريئ ويستن يونيون وما بتعطيني رقم تحويل بس البيانات منشان نتطابئ البيانات عندي هون بشت استعوب الئصة خبرتو طيب خصموهم من 65 الف دولار يا اخي بعتلي 60 ابلان ال لاء لازم تبعت من اسمك منشان نطابئ المعلومات وهاد الزلمة على اساس هو موظف بالخارجية مصرية اتصلت بصاحبي بيشتغل معي هو من مصر من محلة خبرتو بالئصة ال لاء اصحك تعمل كيدا دول نصابين هون بلشت كل احلامي يلي حلمتها خلال ساعتين اتبخرت اتصل فيني مرة تانية حصل ايه معاك انت بعد ما ترسل الفلوس خلال نص ساعة بيكون كامل المبلغ عندك خبرتو بكرا انا جاية على مصر بعطيك ياهون انصدم من حكيي خبرتو عطيني العنوان بزبط انا بكرة طيارتي على مصر ائلي اوكي بس شوية وارجع اتصل فيك عشان اخبر البنك ما ينجز العملية وانو حضرتك حتيكي مصر وهاد وش ضيف ماعاد اتصل وارجعت اتصلت فيه طبعا ماحدش برد شو رأيكم |
عادي الأمر كتير عادي
لك إذا بدنا نحكي على النصب كنا ألفنا كتب بس أحلى عملية نصب كانت بدها تصير مع رفيقي وأتصلوا معه من أفريقيا الجنوبية :D |
سمعت عن هيك شي هون
انو بدهم يحلو مصاري من الخارج ومدري شو |
شغلة تبيض أموال وما تبيض أموال
وطبعا عبيراسلو الشركات الكبيرة والصناعين الكبار وشوية فكسات وشوية بهارات بيبعتلهم مصاري الضحية بس هي القصة عبحكيلك ياها صارت بال 1995 بقى هلق شو صاير ما بعرف |
اهم شيئ نحكيه لك .الحمد لله على سلامتك وهاد الشيئ يخيلك تعرف انك مرضي مع والديك وع الله وانو دعاء الوالدة كان جنبك.
بدل ما تتحسر وتندم قل الحمد لله واحمد ربك |
اقتباس:
|
| الساعة بإيدك هلق يا سيدي 10:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون