|
اضحك اضحك محششين
بما انو اليوم عيد الضحك العالمي وبما انو حاسس المنتدى نايم وبثبات شتوي
ياله نحشش ونضحك ......... كل واحد يتذكر اكتر موقف بضحك مر معو كل واحد يضحك ضحكتو الخاصة ................ |
ها ها ها ها ها ها ها ها ها هااااااااااااااااااااااه :o
|
:?:shock::oنحشش عنجد يعني؟؟؟؟؟؟؟؟؟؟؟؟
هدا يا سيدي مرة كنت بديسكو مع اصحابي وتقوم توقع عيني على شقفة شب....... يقبر قلبي شو حلو:sosweet:... ماقدرت اتحمل التعذيب فقررت اعمل حالي رايحة ع الحمام منشان شوفو عن قريب.... وبس مرقت منحدو طبعا التوقت رقبتي وانا اتطلع فية... وساعتها بيقوم اللة بيفركشلي ياها وبوقع على طولي. ماااااا شاء اللة... وتبهدلت... في اكبر من هيك عزارة؟؟؟:clap: |
اقتباس:
هو هو هي ها حجلة ليش الذب بس ليش لتطلعي في كل هاد الله يسامحك |
اقتباس:
هنيا هنيا هنيا بس اول مرة بسمع بعيد الضحك هاد !!! |
شو يا جماعة كل واحد يحكي اكتر موقف صار معو بضحك شبنا عمي
ياالله ليش الكل نايم مافي غير مروى الحلوة احم احم انا مرة كنت راجع من الجامعة انا ورفقاتي شبين وبنت من زمان وماشيين بالشارع وانا بالنص المهم فإذ يا جماعة تنزل بيضة اي بيضة بيضة بيضة جاجة بنص راس رفيقي ههههههههههههههههههههههههه هههههه وتعبيلو راسو ووشو لك انا تفاجأت ياالله وصرت خاف تجيني بيصة وانا وكارلا عم نضحك فارطين من الضحك علي منظر رفيقنا كيف متفاجأ بالبيضة فكرها من طير ههههههههههههههههههههههه المهم طلعنا ما شفنا حدا ابدااااااااااااااااا يمكن حدا من الجيران رماها وتخبى المهم انا لهلق بستغرب كيف صوبها هل ولد براس رفيقنا بيومها اخدتو على بيتي لان كان قريب وغسل راسو وغير تيابو بس يا حرام كيف كان منظرو البيض على ادنيه وراسو ووشو ههههههههههههههههههههههههه ههههههههههههههههههههههه لك ما اقدر امشي من كتر الضحك بس زعلنا عليه ليش الكذب ههههههههههههههههههههههههه ههههههههههههههههههههههههه ههههههههههههههههههههههههه هههههه |
ههههههههههههههههههههة ملا نهفة:lol:
لا واللة... اوقع ولا تصير ريحتي بيض ههههههههههههههههههههههههه ههة شكلو راح نقضيها انا وياك رد على بعض.... ما علينا:p |
اقتباس:
شو بدنا نعمل انا وانت الوحيدين المحششين بس تاني مرة لا تلبسي كعب عالي بالديسكو هههههههههههههههه |
لك يا حرام ع هالموقف بس ولييييييييي شو هالتصويب عنجد يمكن لهلق رفيقك بيخاف يمشي من هداك الشارع
|
ههههههههههههههههه
شو مشان موجه بحر بتعشق البحر ههههههههههههههههههههههههه ههههههههههه دخلك ايمتى بدكن تتزوجو هههههههههههههههههههههه اسف بس انا محشش |
ليش مالك علم
لك مو خطبنا الجمعة الماضية والعرس لسا ما حددناه هلق عم نتعرف ع بعض |
بما انو عيد المحششين اليوم ينعاد عليكن كلياتكن بالصحه والسلامه ...
المشكله انا المواقف اللي بتصير معي لحالها لازم تنكتب بمعلقات :lol: هذا الموقف صار معي بالجامعه وانا بالاردن لأني حاليا عم ادرس هونيك ... المهم بلا طولة سيره هاد مره يا اخوان كنت عم اختبر ماده اسمها قانون تجاري المهم امتحنت وخلصت الامتحان ومبسوط اني حالل وبحكم النظام هون في 3 امتحانات ( اول / ثاني / نهائي ) المهم كان بعدو الامتحان الاول وامتحنا ومشا الحال اجت المحاظره اللي بعديها كنت واقف انا وشب بره القاعه عم نستنا الدكتور والشب ما بعرفو هذيك المعرفه دردشت انا وياة شوي ودخلنا عالقاعه فات الدكتور ورانا وحكا انو راح يوزع العلامات بس للاسف في 5 طلاب جايبين صفر من 20 المهم اطلعت باللي جنبي وقلتلو يا زلمي مين هالحمير اللي مو حالين شي بالامتحان حكالي علمي علمك ........... وحكا الدكتور راح بلش باللي علاماتن صفار ............ ناده اسمي اول اسم :sick: عملت حالي مو سامع مشان اللي جنبي رجع نادى اسمي مره تانيه وصار وجهي ساعتها متل البندوره خجلان من الشب :yahoo: على الله يكون الموقف عجبكن ..... وانتظرو المزيد :larg: |
اقتباس:
ههههههههههههههههههههههههه انا لو بدالك كنا فرطنا ضحك انا ورفيقي بالقاعة ههههههههههههههههههههههههه ههههههههههههه شكرا عل موقف الحلوووووووووووو |
يا زلمة بتستعمل انت ال " هههههههههه" اكتر من استعمالك للكلمات المنقوطة :p
|
هلوووووووووووووووو
هلأ انا صار معي موقف بيضحك وبيخجل بنفس الوقت ,,,,,المهم مرة باول ايام الجامعة وانا سنفور :sanfoor: كنت انا وصاحبي واقفين عند باب قاعة من هالقاعات وازا بتمر صبية امورة وحلوة كتييييير المهم انا وهالشب قعدنا نتطلع فيها ونلطشلنا كمن كلمة طبعا هي جحرتنا وضلت ماشية والله قول عادي مش مشكلة وبعد شي 5 دقايق دخلنا هالقاعة انا والشب وقعدنا وازا بهالصيبة دخلت هالقاعة بعدينا بشي 5 دقايق ,,,,,,,, يا حزركم مين طلعت ,,,طلعت المس اللي بتعطينا المادة :cry: وانا حضرة جنابي قاعد بالمقاعد الامامية والا هالمس بتتطلع علي انا وهالشب نظرات وليييييي انا قلت ببالي انو انا حملت المادة خلص,,,,, بس الحمد لله نجحنا فيها ومشي الحال,,,,,ومكن بعد هيك حرمت الطشلي كلمة على اي بنت بالجامعة وبغيرها:cry: |
سمعو يا اخوان الموقف الثاني اللي صار معي هاد صار معي اليوم يعني بدو تازه الموقف :
يا اخوان القصه هي : عندي رفيقة بدها تتخرج على الفصل الصيفي ظروري جدا جدا لأنو اهلها مقدمين على هجره لاميركا من الـ 96 وهلأ وصلت الموافقه , المهم البنت تخصصها اقتصاد ومفرعه تسويق ( بتاخذ مواد مختاره من كل تخصص ) المهم البنت مظطره تتخرج على الصيفي وراح تنزل 4 مواد لتقدر تتخرج عندها 3 مواد راح تاخذ بدالهم مواد بديله مشان تقدر تتخرج ومن بينهم ماده عنا بالقسم البنت طلبت ساعدها وانا انتخيت ورحنا انا وياها لعند رئيس القسم وحكنالو وضع البنت حكا مافي مشكله جيبولي اسماء 20 طالب وخلوهم يوقعو ويكتبو اسمائهم وارقامهم الجامعيه بالورقه حكيتلو محلوله المهم طلعت ودورت على شباب وعبيت الورقه والمشكله انو هاي الماده بالزات محتكرتها دكتوره عنا بالقسم وهاي الدكتوره الله لا يورجيكن شو بتحكي بالمحاظره والعلامات عندها انسا الموضوع لا بتساعد ولا بترحم حدا فبلشت انا مشان اقدر اقنع الطلاب بلشت اوعدهم انو الماده راح تنزل عند دكتور منيح وراح يجي من بره الجامعه مشان يدرسها وهوي فعلا الدكتوره هاي ما بتنزل مواد عالصيفي واغري فيهم لحد ما وافقو المهم هالحكي من اسبوعين جيت اليوم والتقيت بالبنت وحكتلي شو مشان الورقه سلمتها وعاد انا ناسي الموضوع ورايح من بالي حكتلها موجوده بالبيت حكتلي رو جيبه حكتلها ماشي رحت جبتها وطلعنا لعند رئيس القسم وعطيناه الورقه المهم حكا رئيس القسم انا رفعت الاسماء المقترحه للمواد الصبح رفعتن لرئاسة الجامعه ومافيني ارجع ارفعها من جديد حاولنا معو على كم ترجي من البنت حكا خلص خلص مادام كثير مظطره عليها انا باخذها عالصيفي مو مشكله كيفت البنت وانا انبعص كيفي طبعا لأنو هاد بروفيسور يعني اسواء من الدكتوره هذيك بمليون مره :lol: حكالي الدكتور روح جمع كمان شباب مشان تكون الحجه شيتنا قويه عند الرئاسه جمعت اصوات وسلمتها للدكتور وكل شي فالمشكله اللي وقعت فيها يا اخوان انو راح انظرب من شي 28 شب اللي وعدتن بدكتور ممتاز وراح ينزلو الماده بناء على هالحكي ازا نزلت الماده المشكله انو صار الموضوع مو بايدن لانو اسمائن مسجله صارت يعني لازم ياخذوها للماده او بالاحرى غصبن عنن والمشكله التانيه اللي يارب تصير انو الدكتور يعتذر عن الماده انو ياخذها ... 1 ) اما بنظرب من 28 شب وبنت اللي وعدتن بدكتور منيح وورطتن بالماده :sick: ... 2 ) الدكتور يعتذر عن الماده ويتأخر تخرج البنت سنه كامله وتروح عليها الفيزا واخصرها :sick: ... ملاحظه : الخريج الو الحق بتنزيل اي ماده بدو ياها لانو بيتأخر تخرجو ... ( يعني راح انظرب ):ss: .. المشكله الاخرى اللي وقعت فيها انو استشرت شب مشان شو ساوي قدام الناس اللي سجلو اسمائن حكالي بتقلن انك اتخوزقت متلك متلن وما كنت عارف ( بس المشكله اني مسحت اسمي من الورقه قبل لا سملها :clap: ) ... هههههههههههههههههه ... واسفين على الاطاله وترقبو مغامرات اخرى قريبا .... :sick: |
اقتباس:
حلوة لك يا اخي قبل ما تلطش تأكد تاني مرة :o شكرا لمرورك |
اقتباس:
يا حرااااااااااااااااااااام حلوة كتير بأنتظار المزيد شكرا كتير شرفت |
| الساعة بإيدك هلق يا سيدي 13:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون