أول وفاة في أزمة الخبز بسورية
 

أول وفاة في أزمة الخبز بسورية
عبد القادر سليمان - كلنا شركاء - 03/05/2008

ماذا تركت يا إدلب لغزة ودارفور وأفغانستان؟؟!! ربما ستدخل إدلب في موسوعة غينيس بعد أن قدمت يوم الجمعة أول ضحايا أزمة الخبز التي تعصف بالمدن السورية،


في غفلة عن المسؤولين وأصحاب القرار. هذا إن كان للقرار من أصحاب.
حسن عبد الجواد... العمر 19 سنة، يقتل على أبواب أحد أفران الخبز في إدلب، دون أي إشارة من أي من الوسائل الإعلامية الرسمية أو المحلية، و المشغولة بإظهار فرح العمال وسعادتهم في ذكرى عيد العمال.
بالطبع ستقدم لنا الجهات المسؤولة في إدلب الرواية الرسمية لهذا الحادث، على أنه شجار بين خارجين عن القانون وأن القاتل( وهو من عائلة نحلة)، واحد من المطلوبين للعدالة وأن فرن الخبز ليس أكثر من مكان تصادف فيه فعل الجريمة... إلخ من هذه الروايات.
لكن الرواية لن تطول لأن حكومة سورية‘ البلد المصدر للقمح، ستبقى، إلى أجل غير مسمى،عاجزة عن تأمين الخبز إلى الناس وبالتالي ستتمكن كاميرات الموبايل من تصوير بعض هذه الأزمات، لأن كاميرات الإعلام الرسمي مشغولة بقضايا القومية العربية وما فوق.
نتساءل في هذه الفوضى العالمية: ماذا تركت يا إدلب لغزة أو أفغانستان أو دارفور...
هذا أول الغيث والأزمات الغذائية في طريقها للإزدياد فهل نتوقع مزيدا من الضحايا على طوابير الخبز.؟؟؟
يحتاج هذا الحدث العابر في تاريخ هذه المدينة المنسية، إلى وقفة غير عابرة من الحكومة، لأنه لم يأت صدفة، ولن يكون الأخير وليس سببه الوحيد أزمة الخبز، بل جملة من الأزمات المتراكمة الروحية والنفسية والقيمية، المكبوتة والمقموعة، التي تعصف بجيل كامل من الشباب، نتمنى له الحياة أو الموت في سبيل الوطن، لا في سبيل رغيف الخبز..
والحكمة عند الحكيم


عبد القادر سليمان: ( كلنا شركاء ) 3/5/2008

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

__________________

شو هاد...:cry:

فليهنئ أعداء الأمة

ليسى هناك ما يدعوهم لتجيش الجيوش و لا لشحن همم الجنود

فأن هناك من هو عنهم ينوب

أزمة الخبز ...... رح تكون القشة يللي رح تلعن نفسو لضهر البعير



يعني في كتير تراكمات و الناس عم تضغط ع حالها ..كرمال لقمة الخبز
بس اذا انفجرت أزمة الخبز ...... بظن رح تفجر معها كل شي

بحياتي ماكنت مفكرة انو رح نوصل لهيك ..

شو الواحد بدو يحكي عن هالبلد

الله يلطف فينا بــــــــس :jakoush:

احنا فى مصر سبقناكم من زمان
شوفتو احنا متقدمين فى المصائب عنكم



انا اسفه مش عارفه اقول ايه:pos:

بس انو كيف مات؟؟
من الجوع

ولا شي خناقة على دور الخبز

ولا شو؟؟

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

يا لطيف .. وصلنا لمرحلة خطيرة ما كانت متوقعة.
الكلمات تبع بلغ السيل الزبا وطفح الكيل صارت سخيفة قدام أزمات البلد المتتالية.
شو ضل شي يخسروه الناس لسه أكتر من هيك.
كلشي معدينو وممشينو وع العين والراس . بس اللقمة تصير بهالذل ما بتصور الموضوع سهل.
:pos:

يعني الشعب اذا ماعم يلاقي ياكل خبز ياكل كيك:p

من زمان كانو يقولو طلقة طائشة

بس شكلو هالمرة ((( رغيف طايش )

انو طولو بالكن ما شفتو شي لسا ............ بعد فترة رح تترحمو عالايام اللي نحنا فيها هلئ رغم سوئها

وعمبدأ ( وحياة اللي خالئك ماني مفارئك )

انفجرت ؟
ما بظن
سيارتين وكم شحطة لكم شب كفيلة ترجع الوضع لما هوي

اذا تفاقمت أزمة الخبز ....
ما بظن هالحلول بقى تنفع ....



هلأ الفقير اذا كان متل حالتنا ... و مو ملاقي ياكل ..... مو مشكلة بيتحمل
بس ما بظن في حدا بيقدر يشوف ابنو جوعان ..و مو قادر يشتريلو الخبز السياحي ..
يعني بشكل من الاشكال ... كل انسان عندو خطوط عمر لما بتم تجاوزها .... ممكن يعمل أي شي
و بالنهاية أكتر من القرد ما مسخ الله

يعني شو بيقدر يعمل ؟

متل ما عملوا مزارعين البندورة بطرطوس الشهر الماضي