|
واحد صفر
واحد صفر العوض بسلامتك تعيش وتاكل غيرها عزيزي القارئ للأسف بدي اقول لك بكل اسى وحزن العوض بسلامتك كمل معي بتعرف ليش بدي اسألك سؤال غليظ شوي شو اللي خلاك تفوت على الموضوع ؟! يمكن ما عليك ذنب يمكن عمو غوغل خلاك تحط رحالك هون يمكن انت انسان مثقف عبتجمع المعلومات حول انظمة العد وكنت عامل بحث للنظام الثنائي وطلع لك نتيجة " واحد صفر " واعتقدت انك وجدت ضالتك . يمكن انت محب للرياضة وكنت عبتعمل بحث على عدد المباريات اللي انتهت بنتيجة واحد صفر فبعتذر منك لأنها الموضوع مانه نتيجة مباراة لكن بالنهاية شو ما كان الشي اللي خلاك تدخل على الموضوع انت غلطت غلطة حياتك الغلطة اللي بدك تندم عليها كتير لا لا لا تخاف لا تحسب اني هكر عظيم بمجرد دخولك على الموضوع بس ما عملت ريستات لكومبيوترك بده يتفرمت الهارد عندك وواحد صفر هوي العد التنازلي للفرمتة لا تخاف انا ماني هكر خود نفس وكمل قراءة الموضوع . القصة ومافيها انه بالأخوية كافة المواضيع بكافة الأقسام وشو ما كان محتواها واي كان كاتب الموضوع وشو ما كان طريقة العرض وخصوصا المواضيع اللي بتعتمد على فكرة النقاش والحوار بتكون جميع الردود ناقصة لجملة جوهرية اللي بكون مشانها الشخص كتب الرد ولولاها ما كان في رد فالردود بالفترة الاخيرة بتحمل بين طياتها مصطلح او عبارة ناقصة العبارة هي " واحد صغر " فالردود المعارضة بشكل خاص بتكون موجهة للرد على شخص او للرد على نقطة معينة سواء كانت سياسة دولة او كانت انتماء ديني او عرقي او فكري بكون الرد للدفاع عن الفكرة وللهجوم على الفكر المعاكس حتى التوقيع احيانا بيخضع لهي القاعدة فبتشوف الرد تحول حول شخصية المرد عليه او على توقيعه او على بلده او على فكرته بتنتهي بمحاولة كتابة الجملة " انا واحد ومحاوري صفر " فانا حبيت اختار الطريق القصير واتغدا فيكم قبل ما تتعشوا فيني وابدا بتسجيل النقط والتهجم عليكم وانا بعكس كل الأعضاء البقية اللي بيخفوا الجملة هي انا بدي اكبرها وبدي احطها عنوان لموضوعي واحد gabriel - صفر بقية الأعضاء |
اقتباس:
هلق سياسة تجميع النقط ماشية هالكم يوم وكل واحد بدو يصفي حساباتو مع الخصوم ويجمع نقاط بس مو ليطرح فكر جديد أو يناقش بهدف الحوار الي بيستفيد منو الجميع. مبروك عليك الـ 1 ومبروك علينا الصفر. :lol: |
هلأ بالاخير مين اتأهل للنهائي :larg:
|
الغول الأول ما شفته الغول الأول ما شفته
عيني على الغول التاني بليل يا عيني بليل :larg: |
اقتباس:
|
هاد الغول الأول لسع في غوال قدام محضرها لكم
|
لسه البوم الاتحاد خسران 1-0 وتقلعنا بسببا :pos:
|
انا من عندي اقول لك..
انت دائما واحد ..وانا صفر .. بس شو راح تكسب من خسارتي.. تهانينا 1000مبروك النتيجة |
هي هي الفكرة انه الكل بناقش ليحقق نقاط تتسجل بأسمه ولا مرة حدا سأل حاله انا ليش عبتحاور او ليش ناوي اناقش واغلب اللي عبناقشه
ما بهم شو الهدف المهم اني فزت انا هي العقلية اللي عبنتقضها بالموضوع بالمختصر المفيد حطيتي ايدك على الجرح انت بهاد السؤال اللي لازم كل واحد يسأل حاله ليش انا بفوت بحوار ودائما بحاول اكسب اللي عبحاوره ؟ |
خيو ليش عم تشمل ؟؟؟
اولا ما بتوقع انو الردود كلها الهدف منها متل ما عم تقول ... يعني لما واحد بيكون فكرتو عم تسيئ لمعتقدك او توجهاتك ما فينك تضل ساكت لازم تحكي و تدافع مو منشال اكسب نقط لا و انما منشال ما يكون السكوت علامة الرضا هادا واحد و اتنين منشال يكون في سبب لتواجدنا هون باخوية يعني ماعاد اعرف شو بدكن ؟؟؟ شي بيدخل منسق و بيقول مواضيع الزواج ماعاد بدنا ياها و تاني بيدخل بيقول مواضيع الحكم دقة قديمة و لاعاد تحطو متلها و هلق انت بدك يانا ماعاد نتناقش لانو انت من وجهة نظرك انو العالم عم تحط نقاط على عالم طيب انت هيك رايك بس في غيرك مو هاد سبب دخولو بالنقاشات .. و هاي رح اجي متل ما بدك بس فقط هون انا 1 انت 1 و مشيلنا موضوع المنحوس منحوس داقت خلاقنا |
اقتباس:
|
هو فعلا ...
ليش دائما يفكر المحاور بالغول على حساب كلشي !!!! و احيانا يتصور قد ما يتجاوز و ياخذ الفاولات ... قد ما يربح في حين عمليا العكس هو الصحيح ;) |
واحد صفر ......... شي ظريف
بس انو من شو بيشكي الصفر هلئ ما عاد يعبيلنا عيننا يا سيدي انا قبلان كون الصفر وبيشرفني كون الصفر انو مثلا مثلا جبلي الرقم 5 ضفلو هالواحد تبعك وجيب خمسة ضفلي هالصفر تبعي يا سيدي فعلا الصفر قوة شو بدنا بالحكي خليكن انتو الواحد وتركوني انا لحالي الصفر :gem: |
انا ماني ضد النقاش بالطريقة اللي انت قلتها
اذا كان النقاش بهدف تبادل المعلومات فبكون م عاد في مباراة بس وقت بيتحول لمبارة بهدف كسب النقط وتركيب فاولات على الخصم مشن استفيد من ضربة جزاء اضربه بوجه مع الايام متل ما حاليا عبصير هون بكون الرد حول 1 - 0 على فكرة الكول اللي انت حطيه مغي بالاعادة طلع تسلل :o ذكرتني بالمنحوش يا سيدي هاد من نحسه انتحر فكسرنا الدف وبطلن الغني معه |
اقتباس:
بعتذر :D |
اقتباس:
|
دايما منفرض الحسابات متل ما بدنا
بجوز كون قاصدها 5 ضيف واحد لتصير 6 او لتصير 15 او لتصير 51 ويمكن متل ما شفتها انت 5 ضيف واحد لتصير 05 او 50 او حتى 0+5 = 5 هلئ بغض النظر ..... انو الصفر مع صغرو ومع انو مانو عبارة الا عن نقطة صغيرة يا دوب منقدر نشوفها بس يا اخي من عندي انا عندي هالنقطة نقطة مهمة كتير :p |
هي الفكرة انه وقت وحد والتاني صفر بأي نظام عددي بده يكون الواحد متقدم على الصفر بخطوة
بمعنى آخر سابقه بشوط هاد هدفي كان من الواحد صفر ما متل ما انت فهمت |
| الساعة بإيدك هلق يا سيدي 18:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون