|
شو سر نجاح باب الحارة؟؟؟
ختلفت وجهات النظر وختلفت الاراء كتير عن هاد المسلسل
نجح بشكل مو طبيعي ونشهر كتيييير بكل الوطن العربي من المشرق حتى المغرب باستثناء مصر طبعا ومابعرف على شو؟؟ المهم ....شو برأيك السر الحقيقي لنجاحو.. ناس قالو نخبة الممثلين هي السر وناس قالو نشهر لانو نعرض كتير واخد حملات اعلانية كتير وخصوصي على ام بي سي شو السر؟؟؟؟ليش هاد المسلسل نشهر اكتر من غيرو ؟؟؟ واللي خلاني اطرح هيك سؤال ...لكوني مغتربة وشفت اهتمام العرب فيه برمضان وبعد رمضان حتى...لدرجة انو صارو يعيدو ويطلبو مني انو جبلون من سورية الجزء الاول من هاد المسلسل وطبعا هاد الشي بفتخر فيه انا قدام العرب بالغربة ... عطينا رأيك..... |
انه بس يكون ناجح بقلك السبب
انا ما شفت فيه اي شي ناجح مجرد مسلسل عادي وقصة عادية او حتى مبالغ فيها كتير بس الناس بتعطي لكل شي اكتر من قيمته على الهامش ؛ مين قلك باستثناء مصر اي المصريين اكتر شي حبو المسلسل بس كمان ما بعرف على ايش :D |
سر نجاحو . هوي تفاهتو .
|
لانو تتوافق مع امزجة الجماهير العربية اللي تتغنا بامجادالماضي..والمقاومة ..والوحدة..
والنسوان اللي مايعرفو غير المعارك البيتية ضيقة الافق ..لان عقولهن صغيرة ما يفكروا بغير..شو عندها فلانة..وشو قالت علانة..والجواز..والكناين..وب يت الاحما..والحكي الفاضي.. والرجال همه بس اللي يعرفوا كيف يتأمروا بذكاء ..ويتصالحوا بنبل..ويتقاتلوا بشجاعة..ويعشيون بكرامة..و..و..و.. اي الله يهنيهم بهل مسلسل اللي راح يهزموا بيه الاعداء.. |
اقتباس:
مافي داعي عيد نفس الحكي |
السبب انو المسلسل بيعبر عن توق الشرقي للعودة إلى مفهوم " الفحولة " بشكلها القديم لأن هذا المفهوم قد تعرض للكثير من " الإنتقاص " بعد موجات التحرر التي سادت في ستينيات وسبعينيات القرن الماضي والتي قلصت من جبروت وتسلط الرجل في مجتمع يعتبره مجتمعه
للأسف كنا في ستينيات وسبعينيات القرن الماضي قد قطعنا اشواطا طويلة من التحرر وتقليص جبروت الرجل في المجتمع الشرقي ولكن موجة الأصولية التي جاءت في التسعينيات والتي ما زالت مستمرة اعادتنا إلى الوراء عقودا كثيرة وكان ختامها مع مسلسل باب الحارة تحياتي الحارة ظل جيفارا |
غلطان كتير ويجا
بالعكس المسلسل كتير نشهر بالوطن العربي وحبو كتير وعم يستنو الجزء التاني بتشوق حبو اكتر من مايحبو السوريين نفسو |
لما تشوف شغلة مدعومة لهالدرجة من جهات ما بتدعم الجانب الجيد غالباً
لازم تعرف انو في نيّة سيئة من وراه |
مافهمت شو بتقصد ماتيا..................................:?
|
كلو معارض هون
سبب نجاحو أنو مسلسل "شعبي شامي" وبلهجة الشامية القديمة , |
| الساعة بإيدك هلق يا سيدي 19:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون