|
مواطن معصب
هاد مرة موظف وقف عند البقالية يلي بيحارتو وأشترى شوية غراض
وعند الدفع طلب من صاحب البقالية أنو يسجلهن عليه بالدين فرفض صاحب البقالية وقلو ما بتعامل انا إلا بالكاش موني!!! فقلو الموظف متعجب: بدك كاش ؟؟ قلو صاحب البقالية أي ليش لأ ؟ فجاوبو الموظف : لأنوالكاش غير متوفر بالأسواق المحلية لأنه تجمع بأيدي شلة من الحرمية والحرمية صارو كتار والكترة غلبت الشجاعة والشجاعة كنز لا يفنى والكنز موجود بالمغارة وااالمغارة ما بتفتح إلا لعلي بابا والأربعين حرامي والأربعين حرامي صارو ملايين والملايين عم تندفع لضعاف النفوس رشوة والرشوة صارت حق والحق يا حسرتي ضاع والأكل ما عاد منو غذاء والغذاء مقابل النفط والنفط جاب البلا على روسنا وروسنا تمرمطت بالأرض والأرض مقابل السلام والسلام صار استسلام والاستسلام ضيّع الكرامة والكرامة خسر أدام الوحدة والوحدة صارت حلم والحلم سيد الأخلاق والأخلاق تحولت لنفاق والنفاق جمع نفق والنفق لازم يتكمّل ولحتى يتكمّل بدو متعهد بناء صالح وصالح ما عاد بهالأيام وبهالأيام صارت المفاهيم مقلوبة والمقلوبة بدها بيتنجان ولحمة واللحمة ماعادت تفوت لبيت الفقرا ولو نطحو الحيطان والحيطان صار ألها أدان وألأدان معبية البلد وهالبلد صار في أكل هوا والهوا صار فيي تلوث والتلوث عشعش بالنفوس،والسجل المدني والقضاء وللقضاء على القضاء صار بدو قضاء وقدر والقدر علينا مكتوب والمكتوب ما في منو هريبة والهريبة تلتين المرجلة والمرجلة ما عادت لكل واحد وكل واحد ألو ساعة والساعة أتية لا ريب فيها يوم يأخذ كل ذي حق حقه الذي شفط منه في الدنيا وعلى الدنيا السلام مشان الحصول على الأختام والأختام عند المدام والمدام كانت شامية وهلأ صارت روسية شقرا والشقرا بتهز الأرض والأرض بتتكلم عربي والعربي ماحدا بيقدر عليه غير الله والله اذا منضل على هالحالة لتسحبنا الكلاب والكلاب أحسن من البني أدم وأدم علق علقة مصخمة مع حوا وحوا ما بتعرف غير كلمة بدي وبدي ألعن أبو هالحالة بطلت اشتري |
ربط رائع من النوع المضحك المبكي
تستحق الشكر الجزيل أخي الكريم :D |
كان لازم البياع يعطيه ببلاش بعد هالمعلقة هههه
مشكور |
بصراحة
الله يعين التنين :larg: |
هيكـ اجوبه طويله ..بيلزمها ..تحط ايدك على ادانك من اول ما يبلش ردح ...وما تخجل من زعل الي ئدامك |
ظريفة . وملعوبة . :D
|
اقتباس:
اقتباس:
اقتباس:
:larg: اقتباس:
اقتباس:
|
قوية و أحلى شي تبع ( الكرامة خسر أدام الوحدة ) ههههههههه
يسلمو هدوووووء و بالمناسبة شو اسمك ( اذا ما فيها سئلة ) |
اقتباس:
|
اقتباس:
|
اقتباس:
|
عن جد الله يعين الناس على هالدنيا وهاد الرجّال معو حق بكل كلمة حكاها ويسلموا يا هدوء البحر على هالنوع من المضحك المبكي |
اقتباس:
بشكر مرورك |
| الساعة بإيدك هلق يا سيدي 15:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون