|
التلفزيون العربي........ وهل من منافس
250 قناه ولا يوجد ما تشاهده:frown::
كل منا وقع يوماً ما ضحية الملل وحاول أن يروح عن نفسه بالمشاهدة التلفزيونية لعل هذا الملل يدهب عنه ولكن ما ان تبداء بالقفز بين المحطات من واحدة لأخرى حتى يمل الملل منك ويذهب فتبقى أنت مندهش وحائر ..... ما هو الشيء الذي يستحق المشاهدة ؟؟ والجواب : لا شيء لو أردنا يا أصدقائي وأخوتي بهالأخوية انو نعمل أحصائية ودراسة بسيطة للقنوات العربية رح نشوووف: 30 قناة أخبارية تنطق بالعربية وكلهاتعيد أسطوانة الخبر العاجل لكن لكل منها نكهة تعبر عن رأي الممول والمالك مثلاً: العملية الأستشهادية في فلسطين ..... عملية أنتحارية في فلسطين ...... عملية أرهابية في فلسطين .... الخ هذا بالنسبة للقنوات الاخبارية تعو معي نشوف القنوات التانية : قنوات الدعوجة والدعايات والاعلان:clap: : هي كثيرة نوعاً ما تصل لحد 40 قناة عربية تقريباً كلها تروج لبضاعة كاسدة وليست ذات معنى أو أهمية مدبلجة مثل المسلسلات المكسيكية تضيف للمنتج ((الفاقس)) مميزات غير مرئية و سطيحة مثلاً اللحاف العجيب ...... الكرسي الغريب......التلفزيون الرهيب .........الخ والى ما هنالك من هالكلام الفاضي واللي ما الو طعمة بتاتاً بننتقل الأن أعزائي للطامة الكبرى ............................. قنوات الأغاني التفاعلية:clap: ((هيتس)) :clap:فأنت تشاهد الفيديو كليب الذي يشبه أفلام الــ((بورنو)) لمطربة أول مرة حدا بيسمع بأسمها وبتسمع الغنية - نيال:shock: الأطرش -كمان بتشارك بالمسابقة اللى على جنب الشاشة وبتشوف برجك بأعلا الشاشة وبتعمل تشات بأسفل الشاشة والأم ام أس على طرف الشاشة التاني و طلبات الأغاني بمكان من الاعلى و و و و و و ... الى ما هنالك من كل هالخدمات التفاعلية وطبعاً هالقنوات لا تستحق المشاهدة بكل تأكيد . لكن لو حبيت تشوف شوي حضر الـ((بانادول)) جنبك وقنوات الاغاني تقريباً عددها 44 قناه ننتقل للتلفزيونات الوطنية والتي تشبه بصورة بثها كلاسيكيات القرن الماضي و التي تسمع بها أخبار فخامة الرئيس أو جلالة الملك أو سعادة الأمير و و و و و و .....الخ:pos: ثم نأتي للحديث عن قنوات الأفلام والتي راج سوقها فأنت ستستمتع في البداية ولكن ما ان يمر الوقت ستلاحظ ان الفلم يعاد 4 مرات كل 4 أيام وتتخلله 12332 أعلان وكما ان بقية القنوات التي تهتم بالأفلام تعيد بث الفلم الذي بثته أخرى قبل يوم والقناة الثالث .........شرحو ثم نأتي على ذكر قنوات أحبائنا الأطفال:o .......... والتي للأسف خلت من كل ما هو قيم وممتع بأن رغم حاجة الوطن العربي لبرامج موجهة نحو الطفل فالعالم العربي ذو شعب فتي (( غير الكبار اللي بتابعو أفلام كرتون )) فالقناة الأشهر سبيس تون أصبحت تعمل أيضاً على مبداء قناة -هاد أيدك ولحقني- يعني بتعمل بروموشنات لمسلسلات ما سمع فيها غير منتجين المسلسل وبتقوم بدوبلاج هالعمل التاريخي وبتنزلو على قائمة .....تشاهدون اليوم ........... وهالبرامج ما في ها شي ممكن يفيد الطفل في بناء عقله طبعاً قناة الجزيرة للأطفال تداركت الموضوع بس للأسف صارت قناة علمية الطفل بينفر منها لانها نسيت الترفية على مبداء (( يا طخو يا كسير مخو )):shock: ثم نتطرق للقنوات الدينية على أختلاف الأديان والمذاهب التي تمثلها فهي وبكل أسف لا تعمل ألا لجلب الأموال لكون هذه القناوت راج سوقها اليومين دول 00(( على قولة المصاروه)):o وأكبر دليل تحول قناة أغاني هابطة كان من أوائل من دخل الاغنية الشعبية الهابطة السوق الفضائي لقناه دينية ولما كانت الفترة الانتقالية بين القناتين كانت كاتبة على عرض الشاشة :jakoush:(( ترقبوا قناة 00000000 بحلتها الجديدة)):jakoush: أما القنوات الوئاقية مثل البي بي سي الوثائقية و الديسكفري تشانيل ما في الا هالجزيرة الوثائقية ممكن تحضر شوي أذا ما قطعوا البرامج 234234 مرة للاعلان عن القناة نفسها :? سيدي أان ما بقول بالأخير ألا (( تفرج يا رعاك الله)):pos: على فكرة و بالمناسبة شو رأيكم بطريقة كتابتي ؟؟؟ :larg:ظريفة مو هيك على كل هاتو تنشوووف شو رئيكم ؟؟؟؟ :ss: |
معقوووووول ولا رد ؟؟؟؟:frown:
|
أنا بحضر الجزيرة الوثائقية
و الـ ARABIAN TRAVEL ما بيشكو من شي  |
انا اكتر الشي حاطط ع الكاس والجزيرة الرياضية والفضائية وهالكم قناة .. كمان مابيشكو من شي ..
بعدين لو يفتحولنا شي قناة رياضية سورية بتكون عز الطلب ومنبطل نقلب ع غيرو اقتباس:
|
اقتباس:
عمودي 27500 |
اقتباس:
بكونوا متل اللي سألوه وينها أدنك :lol: |
نيالك يانانتي لابتفهمي لا بالتفلزيون ولا ..:larg:
|
ولسه
انت حتى الان اتكلمت على النايل سات و نسيت العرب سات بس عموما الاثنين واااااحد والقنوات في زيادة والمضمون واااحد والكلاااام وااااحد وعلى رأي الحاجة تفيدة بتاعت المحشي "ماتيجي يا ابو محمد نفتح محطة نعلم بيها الخواجات الاكل الشعبي":clap: |
وين المشكلة :shock: لبين مافتلت ال 250 محطة لحتى تشوف برنامج حلو تحضرو بتكون انحولت ونعست هاد اذا ماغفيت كمان والكونترول بايدك :o
طريقة مبتكرة وحديثة بعيدة عن الادوية لحتى تنام بسرعة ولسى بيقولو العرب مو مبدعين :cry: شكرا يا حضرة وسيادة وووو شو اسمو الدواجن :D |
أهلين وسهلين قلنالكم نادووولي سيدي بكفي هههههه
وبخصوص القنوات يعني صدقيني لسى القائمة تطووووووووووووووووووووووو ووووول من قنوات الكلام الفاضي |
الموضوع حلو
انا بتفرج على سبيس توون يعني المسى توم وجيري وباكزبني(شغلة) باباي ها الشلة هي تبع ديزني احلى شي ولله ليش عندي وقت تابع شي :cry: |
بشعل الرسيفر وبحط راديو سوريا الأولى
وبحكي مع العيلة على قص وسولفة وبروح على التخت بحلم وبحلم وبحلم بفيق من يقظتي بنزل على شغلي وبشتغل وبشتغل وبشتغل وعلى هدا ومتله حلم وشغل ويقظة وهلم جرة على الهامش : جرب تحط الراديو بال11.30 وأقعود أسمع |
والله يا أخي الكريم حطيت أيدك على الوجع
من زمان كنت مفكر أكتب عن هل الموضوع بس بصراحة أسلوبك في الكتابة أفضل من أسلوبي و خصوصي عندي لوحة الأزرار ماهي عربية تصور شأد بتعزب لحتى أكتب مجرد تعليق بتشتت فكري بين البحث عن الحروف العربية و بين فكرة الرد أو التعليق على كل حال أخي حال هلفضائيات من أسواء الأحوال في عالمنا العربي للأسف المشاهد أو المتلقي ضائع ما بين مروج لحكومة و مروج لبضاعة البضائع متنوعة تبدء من محبة الحاكم الى محبة الخلوعة بت الأصايل و من غسيل الأموال لأصحاب البصائع عبر القنوات التي تروج لبضائع الموالات و التقديس لأصحاب الفخامة الجليلة ماذا أقول ضاع الفكر بين الأزرار و ما بين ما يجب أن أكتب الحمد لله الجزيرة الأم فيها بعض الشيئ و الجزيرة وثائقية و الباقي حسبيا الله ونعمه الوكيل مشكور أخي على الموضوع و أسلوبك في الطرح رائع جدا الى الأمام أخي الكريم لك تحيات أخوك حلبي :D |
صرلي تقريبا 3 سنين ما بعرف شو هادا التلفزيون الا بالمناسبات وقت بكون بسوريا :lol:
|
اقتباس:
اي اشتري وحدة فكرة ترى ها |
اقتباس:
منين بدي أشتري مافي عنا هون عربي على كل حال شوي شوي عا بتسهل و عما أسرع مشكورة أختي على الفكرة ها :D |
اقتباس:
موزامبيق؟؟ يعني انو لو عندك مابتاخد الأحرف العربي؟؟؟ ولا اذا عندك بيمشي الحال شفلك شي حدا يبعتلك بالdhl لتنحل مشاكلك |
اقتباس:
و مابحسن أذا أجى لعندي ضيف أورجيه شي محطة أفتخر بها غير الجزيرة و الباقي الله المستعان و خصوصي الفضائية السورية اللي أكتر شي بسود الوش ما فيها غير العلاك المصدي و أغلظ فضائية في الوجود بتمنى أن يخصصو برامج وثائقية عن سوريا و كل يوم يعرضو فلم عن منطقة ما حتى التلي تكس ما موجود لحتى الواحد يعرف البرنامج اليومي يبعتلون حتفة على تم معلائون أشئدون معليئ |
| الساعة بإيدك هلق يا سيدي 06:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون